Kiraŭnik Biełarusi pa pieramovach z Pucinym adrazu viarnuŭsia ŭ Miensk i navat nie zastaŭsia zhulać u chakiej.
Krychu śviatła na ŭčorašnija pieramovy ŭ Maskvie pralili subotnija numary rasiejskaj presy. U tym liku spartovaj.
Tak "Sport-Ekspriess" u artykule "Bykov pokazał, kak zabivať na Chodynkie" analizuje piatničny chakiejny matč pamiž kamandami "Zorki chakieju Rasiei" i "Hazpromekspart". Mienavita ŭ hetym matčy – pavodle dziaržaŭnych i niedziaržaŭnych biełaruskich ŚMI – mieŭsia brać udzieł kiraŭnik Biełarusi. Pryčym zhulać suprać kamandy "Hazpromekspartu", što symbalična. Adnak u artykule proźvišča Łukašenki navat niama ŭ pieraliku hulcoŭ abiedźviuch kamand.
Pra toje, što prezydent Biełarusi nia tolki nie pajechaŭ na chakiej, a naahuł adrazu paśla pieramovaŭ z Pucinym viarnuŭsia ŭ Miensk, piša karespandent hazety "Kommiersant'" Andrej Kaleśnikaŭ u artykule "Łukašenka byŭ pakinuty biez abiedu":
"Trochhadzinnyja pieramovy skončylisia, jak zvyčajna, ničym. Prezydentu Biełarusi nie ŭdałosia ni na adzin cent źnizić novuju canu rasiejskaha hazu dla Biełarusi. Jana składaje 200 dalaraŭ za kubametar. Bolš za toje, jon atrymaŭ admovu i pa ŭsich astatnich pieramoŭnych pazycyjach. Tak, ekspartnyja pošliny na rasiejskuju naftu dla Biełarusi nia buduć ni admienieny, ni navat źnižany. Na toje, kab Alaksandar Łukašenka pavieryŭ u heta, pajšło amal dźvie hadziny z hetych troch. (...)
Kab jon nie rabiŭ vyhladu, što pieramovy ŭdalisia, to nichto b, moža, i nie ździviŭsia, kali stała viadoma, što admianiajecca supolny abied Alaksandra Łukašenki i Ŭładzimiera Pucina, a taksama zaplanavanaja (... ) ichnaja pajezdka ŭ novy ladovy pałac na Chadynskim poli (...). Učora ŭviečary spadar Łukašenka źbiraŭsia navat vyjści na lod i pahulać za kamandu veteranaŭ rasiejskaha chakieju".
Poŭny tekst artykułu čytajcie na sajcie hazety Kommiersant'.
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary