Prakuror zapatrabavaŭ asudzić Sańnikava na 7 hadoŭ kałonii ŭzmocnienaha režymu

12 traŭnia ŭ Miensku ŭ sudzie Partyzanskaha rajonu praciahvajecca praces suprać Andreja Sańnikava, Illi Vasileviča, Aleha Hniedčyka, Fiodara Mirzajanava i Ŭładzimiera Jaromienka. Sudździa Natalla Čaćviertakova.

Prysud budzie abvieščany ŭ subotu, a 16-j hadzinie.

Apošniaje słova Sańnikava.

Padziei 19 śniežnia i hety praces ja razhladaju jak prajaŭleńnie strachu ŭłady pierad niepaźbiežnymi pieramienami. Heta pomsta za śmiełaść i adkrytaść.

U adnosinach da mianie hetaja jašče i palityčnaja rasprava nad kandadatam na prezydenta, jaki skłaŭ jamu realnuju kankurencyju i vykazaŭ hatoŭnaść uziać na siabie adkaznaść za krainu. Byŭ i zastajusia prychilnikam dziejańniaŭ pa źmienie sytuacyi ŭ krainie, ale niehvałtoŭnych dziejańniaŭ.

Usie, što adbyvajecca -- heta pradumanaja pravakacyja ŭłady.

Na heta ŭkazvajuć zajavy Łukašenki, jaki kazaŭ što paśla vybarach z usimi raźbiarecca.

U hetaj spravie niama nivodnaha dokazu masavych biesparadkaŭ, niahledziačy na toje, što prasłuška ŭ adnosinach mianie pravodziłasia ź leta 2010 hodu.

Pravaachoŭnyja orhany ad pačatku nie pieraškadžali bić škło, nie zatrymlivali parušalnikaŭ.

Paśla pieršaha adciaśnieńnia chulihanaŭ, milicyjanty nie zastalisia na miescy. takim čynam jany sparadzili pačućcio biespakaranaści ŭ chulihanaŭ. Pra heta śviedčać i abiacańni uładaŭ adpuścić tych asobaŭ, jakija daduć pakazańni na kandydataŭ.

Ja vykazvaju hłybokuju padziaku tym, chto heta nie zrabiŭ.. Ja hanarusia što znachodžusia ŭ hetaj kletcy z vami. (jon nazvaŭ usich fihurantaŭ spravy).

Bolšaja častka biełarusaŭ chočuć pieramienaŭ. Akcyja 19 śniežnia adroźnivałasia ad demanstracyjaŭ, jakija prachodzili ŭ Biełarusi paśla vybaraŭ. Mirnaja akcyja.

19 śniežnia adbyłasia akcyja nadziei. My nia tolki pratestavali suprać falšavańnia vybaraŭ, kradziažu hałasoŭ. My prapanoŭvali ŭładzie pieramovy, kab razam znajści vyjście z kryzisu. Ale strach pierad narodam prymusiŭ uładu ŭžyć siłu.

U 1991 hodzie dyjaloh na toj ža płoščy pryvioŭ da ŭmacavańnia niezaležnaści krainy. Padziei 2010 hoda pryviali da źbićcia ludziej, u tymi liku kandydataŭ. Siarod aryštavanych - maja žonka, maje siabry. Mnohija vymušanyja byli ŭciačy z krainy i paprasić palityčnaha prytułku.

My chočam adnaho volna žyć u Biełarusi, mieć volnyja vybary i nie bajacca.

Ja chaču papiaredzić tych, chto parušaje zakon u niepaźbiežnaści raspłaty.

Ja prajšoŭ praz katavańni, prynižeńni i pahrozy. Mnie znoŭ pryjdziecca prajści praz vyprabavańni. Tym nia mieniej, u mianie niama pačućcia nianaviści i pomsty.

Ja pierakanany, što i ciapier možna pačać rehulavać kryzis šlacham pieramovaŭ.

Vykazaŭ padziaku siamji, tym, chto prajaviŭ salidarnaść, padziakavaŭ tym, chto pracavaŭ u kampanii i hałasavaŭ za jaho.

Ja lublu Biełaruś. Ja vielmi lublu svabodu. Žyvie Biełaruś!

Hučnyja apladysmenty.

Apošniaje słova Jaromienka.

Užo 16 hod u Biełarusi panuje adzin čałaviek. Užo 16 hod u Biełarusi źniščajecca mova. 16 hod u krainie niama svabody słova. Mienavita tamu ja vyjšaŭ na Płošču.

Luby režym kali-niebudź skončycca, u tym liku i biełaruski. Ja nie škaduju, što ŭdzielničaŭ u Płoščy. Žyvie Biełaruś!

13:02

Pierapynak da 14:00.

12.46

Apošniaje słova Mirzajanava.

Mirzajanaŭ zajaviŭ, što heta dla jaho asabistaja trahiedyja, strata viery ŭ praŭdu i zakonnaść u našaj krainie.

19 śniežnia ja pajšoŭ na Płošču, kab damahacca spraviadlivaści, ekanamičnaha rostu.

Ja chacieŭ padtrymać svajho kandydata Ramančuka.

Ale vyjaviłasia, što ja nie mahu svabodna vykazvać svajo mierkavańnie ŭ svajoj krainie. Ja bačyŭ jak žorstka byŭ razahnany mitynh, bili mirnych ludziej.

Paśla mitynhu było aryštavana 700 čałaviek i ŭ tym liku i ja, bo ja chacieŭ vykazać svaju dumku.

Ale heta nie samaje vialikaje rasčaravańnie.

25 studzienia mianie vyklikali i zapatrabavali ad mianie niejkich niezrazumiełych pakazańniaŭ. Ja admoviŭsia. Tady mianie aryštavali.

Potym ja padumaŭ što spadar prakuror raźbiarecca…

Ja prašu sud tolki ab adnym -- vyniesicie spraviadlivy vyrak.

Apošniaje słova Vasileviča.

Ja nie dałučaŭsia da chulihanskaha natoŭpu. Ja dałučyŭsia da biełaruskich vybarnikaŭ. Realnaha supracivu ŭładam nie było.

Nie rabiŭ ja nijakich dziejańniaŭ, kab praniknuć u Dom uradu. Ničoha nie źniščaŭ. Ja tolki źbiŭ askiepak škła. Ja nia ŭzłomvaŭ dźviery.

Nie było takoha, što natoŭp pieraŭtvaryŭsia ŭ adzinuju razburalnuju siłu, jaki pišacca ŭ abvinavačańni.

Mnohim zrazumiełaja pryčyna zaviadzieńnia hetaj spravy, adsutnaść składu złačynstva, i absurdnaść taho, što na płoščy nibyta byli niejkija rečy, jakija možna było vykarystoŭvać dla supracivu. Prašu sud być abjektyŭnym i niepraduziatym i vynieści spraviadlivy vyrak.

12:25

Vystupaje inšy abaronca Sańnikava Varvaševič.

Advakat pierakanany, što ŭ chodzie śledztva nie dakazany sam fakt masavych biesparadkaŭ.

Dla kvalifikacyi padziej jak «masavyja biesparadki», treba vyśvietlić, kolki ludziej u ich prymała ŭdzieł, jakaja terytoryja była imi achoplenaja. Źviestak pra kolkaść asobaŭ, jakija prymali ŭdzieł u biesparadkach, u materyjałach adsutničaje. Ličyć udzielnikami biesparadkaŭ ŭsich mitynhoŭcaŭ nielha.

Z dokazaŭ pa spravie bačna, što terytoryja, achoplenaja nieparadkami abmiažoŭvajecca niekalkimi dziasiatkami kvadratnych metraŭ la hanku Domu ŭradu. Usia pł. Niezaležnaści nie była achoplenaja nieparadkami, tam prachodziła mirnaja akcyja.

Na videa z troch čałaviek robicca iluzija nibyta buntuje ŭsia płošča, heta nia tak.

Nijakich dziejańniaŭ, što stvarajuć pahrozu zdaroŭju inšych asobaŭ nie było. Nivodzin cyvilny čałaviek nie paciarpieŭ.

Usie hetyja dziejańni niematyvavanyja. Heta nia bolej čym parušeńnie hramadzkaha paradku. Śledztva nie pradstaviła dokazaŭ masavych nieparadkaŭ, što vyklučaje mahčymaść kvalifikacyi dziejańniaŭ Sańnikava pa artykule 293, č1.

Adsutnaść adnaho z nastupstvaŭ u apisańni składu złačynstva (padpały, uzbrojeny supraciŭ) vyklučaje mahčymaść prymianieńnia hetaha artykuła. Pryciahnieńnie Sańnikava pa hetym artykule niepravamierna. Niama ŭ spravie nivodnaha dokazu ab tym, što ŭ Sańnikava byŭ namier ahanizavać masavyja nieparadki. Masavaje mierapryjemstva nasiła vyklučna mirny charaktar. Zakliki pryjści na Płošču nia mohuć ličycca arhanizacyjaj masavych nieparadkaŭ.

Hvałt nad asobaj — tak, ustanoŭlenyja fakty atrymańnia niekatorymi supracoŭnikami milicyi lohkich cialesnych paškodžańniaŭ. Ale heta śviedčyć, što nie było ŭzbrojenaha supracivu milicyi. Supracoŭniki milicyi, jakija vykonvajuć svaju zadaču z dapamohaj hvałtu, niepaźbiežna sutyknucca z demanstrantami. Pieršapryčynaj źjaŭlajucca jany, a nie demanstranty. Takim čynam faktaŭ hvałtu nad asobaj nie ŭstanoŭlena.

Pahromy — nieviadoma navat u čym jany vyražajucca. Aktyŭnyja dziejańni, kab praniknuć u Dom uradu, imi być nia mohuć.

Padpały. Adzin śviedka bakavym zrokam bačyŭ społach ahniu, inšych paćviardžeńniaŭ hetaha fakta niama. Padpałaŭ nie było.

Źniščeńnie majomaści. Faktyčna mieła nie źniščeńnie, a paškodžańnie majomaści. Paškodžanaja majomaść była adramantavanaja. Vokny i vadastokavyja truby byli tolki paškodžanyja, jak i dekaratyŭnyja raśliny la Domu ŭradu.

Nielha vyklučyć, što źniščeńnie zialonych nasadžeńniaŭ mahło być zroblena spcenazaŭcami. U lubym vypadku nie vyśvietlena, chto heta zrabiŭ.

Varta adznačyć, što patencyjalnyja straty byli całkam pakrytyja.

Uzbrojeny supraciŭ orhanam ułady. Faktaŭ vykarystańnia zbroi suprać milicyi 19 śniežnia nie vyjaŭlena

Adsutnaść chacia b adnaho z hetych nastupstvaŭ daje padstavy stavić pad sumnieŭ užyvańnie hetaha artykułu ŭ cełym.

U časie masavaj akcyi z boku Sańnikava nie było zaklikaŭ da hvałtoŭnych dziejańniaŭ, naadvarot jon zaklikaŭ pradstaŭnikoŭ ułady da dyjalohu.

Nivodzin z udzielnikaŭ masavaha mierapryjemstvaŭ nie paviedamiŭ, što jahonyja dziejańni byli nastupstvami zaklikaŭ Sańnikava.

Asoby, jakija bili škło, dziejničali spačatku pa-adnamu, potym bačačy biespakaranaść da ich dałučalisia novyja asoby. Kandydaty na prezydenta zaklikali spynić hetyja dziejańni i nie paddavacca na pravakacyi.

12:14

Vystupaje abaronca Sańnikava Kavaleŭskaja. Niahledziačy na toje, što reputacyja Sańnikava viadomaja i ŭ Biełarusi i za miažoj, treba źviarnuć uvahu na jaho bijahrafiju.

Niahledziačy na toje, što reputacyja Sańnikava viadomaja i ŭ Biełarusi i za miažoj, treba źviarnuć uvahu na jaho bijahrafiju. Skončyŭ z załatym medalom škołu, pierakładčycki fakultet Instytutu zamiežnych movaŭ, pracavaŭ na dyplamatyčnaj słužbie, byŭ namieśnikami kiraŭnika MZS. U 2006 hodzie padaŭ u adstaŭku na znak pratestu suprać referendumu pra źmienu Kanstytucyi.

Zajmaŭsia pytańniami mižnarodnaj biaśpieki, udzielničaŭ u pieramovach pra razzbrajeńnie, pra nieraspaŭsiud jadziernaj zbroi.

Maje vysokaprafesyjnuju kvalifikacyju, aŭtarytet u vačach specyjalistaŭ suśvietnaha ŭzroŭniu, vyklučna prystojny i paśladoŭny čałaviek, z pavahaj adnosicca da zakona i dziaržaŭnych instytutaŭ.

Ciapier pa voli suda i śledztva jahonaja siamja znachodzicca ŭ žudasnych maralnych umovach, u stanie strachu.

U 2010 hodzie jon vyłučyŭ siabie ŭ prezydenty, što havoryć ab jahonym vyklučnym patryjatyźmie.

Siońnia na łaŭcy padsudnych čałaviek ź dziaržaŭnym myśleńniem, čyja vysokaja kvalifikacyja i aŭtarytet mahli b być zapatrabavanyja na karyść Biełarusi.

U zali zahučali apladysmenty

11:55

Vystupaje advakat Hniedčyka Ivanova.

Advakat Ivanova zajaviła pra nieadpaviednaści ŭ roznych dakumentach pa abvinavačańni Hniedčyka. Jana kaža, što pratakoły ahladu Płoščy, a ich było 3, supiarečać adzin adnamu.

U pieršy raz było znojdziena niekalki survetak i butelka, u časie treciaha ahladu paśla 15 hadzin pa padziejach, — usie hetyja kanistry, armatury, siakiery. Niama padstavaŭ daviarać tamu, što hetyja pradmiety byli na Płoščy ŭ momant padziej.

Jana ličyć, što

niama padstavaŭ havaryć pra mahčymaść uzbrojenaha supracivu.

Što da videazapisaŭ, to jany byli atrymanyja z parušeńniem kryminalna-pracesualnaha zakanadaŭstva, zajaviła advakat.

11:41

Vystupaje abaronca Jaromienka Mušynskaja.

Advakat kaža, što 2 manciroŭki Jaromienak vykinuŭ da 19 śniežnia — heta śviedčyć, što jon nia mieŭ namieru brać udziełu ŭ masavych biesparadkach.

Mušynskaja ličyć, što na Płoščy nichto nie rabiŭ padpałaŭ i pahromaŭ, u tym liku i Jaromienak. U natoŭpie nie było ni siakieraŭ, ni lodarubaŭ.

Byli paškodžanyja, a nie źniščanyja dźviery — heta dapuščalna pry lubych masavych akcyjach, jak sankcyjanavanych hetak i nie.

Advakat pytaje, čamu adrazu nie byli spynienyja dziejańni chulihanaŭ? Śviedka Kaštałanaŭ skazaŭ, što ŭ ich byli inšyja zadačy. «Mnie heta nie zrazumieła, ale jak kažuć, pieramožcaŭ nia sudziać».

Advakat: Adnaznačna mahu skazać, što Jaromienak nie ŭžyvaŭ siłu suprać pracaŭnikoŭ milicyi, a za dziejańni inšych jon nia musić adkazvać. Śledztva ž tak i nie vyjaviła, chto nanosiŭ paškodžańni milicyi. Ja pierakananaja, što Jaromienak nie rabiŭ sprobaŭ padpału, nie čyniŭ supracivu milicyi.

Advakat charaktaryzuje asobu Jaromienka, jak apantanaha biełarusa, jaki da bolu lubić svaju radzimu i movu. Jahonaja pazycyja vyklikaje pavahu, kaža advakat.

Jaromienak źbiraŭsia na mirnuju akcyju, jon išoŭ tolki vykazać pratest pa vybarach, a nie ŭčyniać masavyja biesparadki.

11.07

Vystupaje advakat Vasileviča Biełaja.

Advakat Biełaja taksama pierakananaja, što sudom nie daviedzienaja vina ŭdziełu ŭ masavych biesparadkach Vasileviča.

Sychodziačy z daśledavańnia spravy, ciažka vyznačyć hadzinnyja ramki taho što abdyvałasia, nieviadomaje pachodžańnie videazapisaŭ, adcutničajuć pratakoły ich vymańnia, ź ich niajasnaja ŭsia paŭnata dziejańniaŭ…

Analizujučy dokazy, vyvučanyja ŭ sudzie, advakat zajaviła, što padziei 19 śniežnia nielha ličyć masavymi biesparadkami, bo incydent la Domu ŭradu nasiŭ lakalny charaktar.

Nievyjalikaja hrupa asobaŭ pabiła šyby ŭ Domie ŭradu, heta rabiła čałaviek 5, a astanija dziasiatki tysiačsaŭ ničoha takoha nie rabili. Nijakich biasčynsvaŭ i masavych biesparadkaŭ nie było.

Dziejańni na hanku Domu ŭradu nasili stychijny charaktar, nikim nie byli arhanizavanyja, byli karotkačasovyja, i nie byli svoječasova spynienyja milicyjaj.

Kali b uvieś natoŭp biŭ šyby, to jon raźbiŭ by ŭsio i prarvaŭ by łancuhi milicyi.

Škło biŭ nie šmattysiačny natoŭp. Ludzi nie ŭdzielničali ŭ hetych dziejańniach i nie spryjali im.

Advakat Biełaja asprečyła i pałažeńnie abvinavačańnia ŭ tym, što majomaść była źniščanaja — jana była tolki paškodžanaja i jaje možna było adramantavać.

Asprečyła advakat i pałažeńnie abvinavačańnia pra ŭzbrojeny supraciŭ milicyi, bo niakaj zbroi ŭ ludziej nie było.

Nie było pahromaŭ i hvałtu nad asobaj. Toje, što specnazaŭcy atrymali ŭdary-to heta byli adzinkavyja ŭspyški niezadavalnieńnia dziejańniami milicyi.

Moj padabarony nie pavinien adkazvać za toje, u čym jon nia braŭ udziełu i navat nia bačyŭ.

Uvachodnyja dźviery Vasilevič nia ŭzłomvaŭ, supracivu milicyi nie čyniŭ.

Zafiksavanyja dziejańni na videazapisu paćviardžajuć, što jon nia braŭ aktyŭnaha ŭdziełu ŭ tych padziejach. Jahonyja dziejańni nie ŭtrymlivajuć składu nijakaha złačynstva.

Prašu sud zabiaśpiečyć zakonny abhrunatvany i spravialivy vyrak i apraŭdać jaho.

11:01

Vystupaje advakat Mirzajanava Halijeŭ.

Jon vykazvaje pierakanańnie, što skład złačytsva pa artykule «masavyja biesparadki» nie dakazany — nie było padpałaŭ, pahromaŭ, uzbrojenaha supracivu pradstaŭnikam ułady — dokazy na hety kont zdabytyja nie byli.

A hvałt nad asobaj byŭ z boku paciarpiełych specnazaŭcaŭ — pryčym nieabhrunavana žorstki.

Śmiešna navat ujavić jak moj padabaronny učyniaŭ hvałt nad ekpiravnymi specnazaŭcami ŭ šlomach, kaža Halijeŭ.

Askiepak škła ŭ rukach Mirzajanava byŭ tolki adzin, i toje što jon dastaŭ jaho z raźbitych dźviarej, nielha ličyć źniščeńniem majomaści

Toje, što nibyta Mirzajanava vinavaciać, što jon kidaŭ askiepak škła ŭ supracoŭnikaŭ milicyi, nie było pakazana i dakazana. Jon jaho akuratna pakłaŭ, nie nazvanyja proźviščy paciarpiełych. Niama nijakich źviestak, što za hetymi šybami byli niejkija supracoŭniki milicyi.

Toje, što pavodle abvinavačańnia Mirzajanaŭ sprabavaŭ prarvać ačapleńnie milicyi, taksama nie było pakazana.

Aceńvajučy dokazy, advakat Halijeŭ zajaviŭ, što jany nie pakazvajuć vinu Mirzajanava.

Śledztva miarkuje, što Mirzajanaŭ vinavaty tolki ŭ tym, što znachodziŭsia na Płoščy.

Halijeŭ źviatraje ŭvahu na spravazdaču mižnarodnaj pravaabarončaj arhanizacyi pra padiezi 19 śniežnia, i zaklikaje nie źviazvać dziejańni Mirzajanava ź dziejańniam i tych, chto biŭ šyby, prosić uličyć stanoŭčyja charaktarystki Mirzajanava.

Halijeŭ: Budučynia luboj krainy nie za šlemami i dubinkami, a mienavita za takimi ludźmi, jak Fiodar Mirzajanaŭ. Tamu zaklikaju sud adpuści našuju budučyniu na svabodu i apraŭdać Fiodara Mirzajanava.

10.51

Prakuror zapatrabavaŭ pakarać:

***

Pieršym vystupaje dziaržaŭny abvinavaŭca. Prakuror paŭtaryŭ koratka abvinavačańnie: Sańnikaŭ kiravaŭ masavymi biesparadkami, zaklikaŭ da Płoščy, vykazvaŭ śćviardžeńnie pra niedemakratyčnaść vybaraŭ.

«Praciahvajučy svaje złačynnyja dziejańni», vykazvaŭ «zaviedama iłžyvyja» źviestki pra nielehitymnaść dziejnaj ułady, učyniŭ dziejańni nakiravanyja na zachop budynku orhana ŭłady…

Znachodziačysia na płoščy Niezaležnaści, učyniŭ dziejańni pa zachopu Doma Urada, pravakujučy natoŭp na bolš aktyŭnyja dziejańni. niepasredna kiravaŭ masavymi biesparadkami.

Prakuror taksama spasyłajecca na pratakoły ahladu płoščy Niezaležnaści, u jakich paviedamlajecca pra zatočanuju armaturu, kanistry i butelki z zapalnaj sumieśsiu, dymavyja šaški i inšaje.

Vina Sańnikava paćviardžajecca rečavymi dokazami i pratakołami pieratrusaŭ. U pryvatnaści videazapisami, na jakich Sańnikaŭ zaklikaje ludziej na Płošču i zmahacca za volnyja vybary.

Vinu padsudnych prakuror padmacoŭvaje pakazańniami śviedkaŭ: kiroŭcaŭ aŭtobusaŭ i inśpiektaraŭ DAI.

Što da śviedčańniaŭ Piatra Kučko ab tym, što jon nie bačyŭ nijakich hvałtoŭnych dziejańniaŭ i navat sfatahrafavaŭ Płošču paśla razhonu — liču, što nielha pakłaści ich u asnovu pryhavoru, bo jon davaŭ niepaśladoŭnyja pakazańni, zajaviŭ prakuror.

***

U pryvatnaści prakuror zaznačyŭ: Jaromienak pryznaŭ svaju vinu i paćvierdziŭ, što pierad płoščaj kupiŭ 2 manciroŭki; Hniedčyk pryznaŭ svaju vinu častkova, pryznaŭ, što nanios kala 3 udaraŭ. Vasilevič vinu nie pryznaŭ; Mirzajanaŭ vinu nie pryznaŭ całkam; Sańnikaŭ vinu svaju nie pryznaŭ, ale pryznaŭ, što ciaham kampanii zaklikaŭ ludziej na Płošču, vykazvaŭ patrabavańni ab praviadzieńni pieramovaŭ i padychodziŭ da Doma ŭradu, a taksama zaklikaŭ hramadzianaŭ nie padavacca na pravakacyi.

Pavodle prakurora, ciaham suda była ŭstanoŭlenaja vinavataść padsudnych u poŭnaj miery.

Mirzajanaŭ abvinavačvajecca ŭ tym, što pryniaŭ aktyŭny ŭdzieł u masavych biespradkach i ździejśniŭ siłavyja dziejańni, kab patrapić u Dom uradu, dastaŭ z raźbitych dźviarej jaja mieniej za 3 askiepki škła i kinuŭ ich na suprancoŭnikaŭ milicyi, jakija stajali za dźviaryma.

Paŭtaryŭšy, u čym abvinavačvajucca padsudnyja, prakuror Anton Zahorski prystupiŭ da acenki atrymanych u sudzie dokazaŭ.

Jaromienak abvinavačvajecca ŭ aktyŭnym udziele ŭ masavych biespradkach, u tym, što jon 19 śniežnia ŭčyniŭ siłavyja dziejańni, kab praniknuć u Dom uradu.

Vasilevič taksama abvinavačvajecca va ŭdziele ŭ masavych biespadadkach, što ŭžyvajučy fizbčnuju siłu nanios nie mieniej dvuch udaraŭ u dźviery, i nie mieniej za čatyry ŭdary pa supracoŭnikam milicyi.

Hniedčyk abvinavačvajecca ŭ aktyŭnym udziele ŭ masavych biesparadkach, i ŭ tym što ažyćciaviŭ siłavyja dziejańni, kab patrapić u Dom uradu.

• 0
• 0
• 0
• 0
• 0
• 0
• 0
• 0