Zaviedzienaja kryminalnaja sprava, skanfiskavanyja dva systemnyja bloki, ulotki, pieradvybarčaja dakumentacyja. Viktar Syryca: Maja zbroja biełaruskaje słova, a nie patrony!
Siońnia ŭ druhoj pałovie dnia na kvatery baranavickaha hramadzkaha aktyvista, byłoha vykładčyka humanitarnych dyscyplin ekanamična-jurydyčnaha kaledža Viktara Syrycy prajšoŭ pieratrus, jaki doŭžyŭsia try hadziny. Rabili jaho try milicyjanty i try čałavieki ŭ cyvilnym.
Jak zaznačyŭ u hutarcy z karespandentam "NN" sp. Syryca, pastanovu ab pieratrusie padpisaŭ namieśnik prakurora Baranavičaŭ sp. Biesan. Padstava -- była skradziena žanočaja sumačka, i milicyjanty pravodzili rejd pa "padazronych kvaterach". Padčas pieratrusu ŭ šafie była znojdziena skrynia z 20 bajavymi patronami. Sp. Syryca admaŭlaje svaju datyčnaść da jaje: "Maja zbroja - słova, a nia hetyja zdarovyja, bliščastyja patrony". Aproč patronaŭ, byli taksama kanfiskavanyja dva systemnyja bloki ad kamputara, ulotki, pieravybarčaja dakumentacyja.
Paśla pieratrusu Viktara Syrycu advieźli ŭ Baranavicki RUUS, dapytali ŭ spravie "źniknieńnia sumački" dy zaviali kryminalnuju spravu adnosna zachoŭvańnia patronaŭ. Uviečary jon byŭ adpuščany, ale dopyty ŭ spravie zachoŭvańnia patronaŭ projduć najbližejšymi dniami.
Syrycu 53 hady, jon uznačalvaje Baranavickuju supołku TBM i byŭ zvolnieny z pracy za ŭdzieł u vybarčaj kampanii Alaksandra Milinkieviča. Jon miarkuje, što siońniašni pieratrus - heta pomsta za jahony ŭdzieł u kampanii pa vybarach u miascovyja saviety deputataŭ. "Ja mnoha kamu dapamahaju padčas hetaje kampanii", - kaža jon.
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii31
Kamientary