Apošniaje słova eks-kandydata ŭ prezidenty Dźmitryja Usa.
Bieź idei ja nie pajšoŭ by ŭ kandydaty ŭ prezidenty. U čym jana palahaje, vy, napeŭna, zrazumieli. Kab u nas u Biełarusi była demakratyčnaja vybarčaja sistema, kab jana była prazrystaj.
Ciapier, vyvučajučy vybarčaje zakanadaŭstva toj ža Ŭkrainy, tam bačyš, što kandydaty ŭ prezidenty ŭsich pradstaŭnikoŭ va ŭsie ŭčastkovyja i terytaryjalnyja vybarčyja kamisii pryznačajuć asabista albo davieranyja asoby [pryznačajuć ich]. U nas hetaha pakul niama. Ale ja spadziajusia, što ŭžo ŭ bližejšy prezidencki termin u nas buduć demakratyčnyja vybary. I naša vybarčaja sistema pamianiajecca. Dla hetaha što nam treba zrabić? Dla hetaha ja płanavaŭ sabrać miljon podpisaŭ za toje, kab źmianić vybarčuju sistemu. Demakratyčnaj vybarčaj sistemy ŭ nas na siońniašni momant niama. Heta ž faktyčna lehalizacyja ŭłady.
Ukazam prezidenta ŭ nas pryznačajucca sudy, prakuratura i ŭsio astatniaje. Kali mianiajecca heta sistema, značyć, źmianiajecca i ŭsio ŭładkavańnie dziaržavy. Tamu heta sistema zmahajecca nie asabista sa mnoj, nie z Płoščaj, na jakuju ja pryjšoŭ. A mienavita z tym, što moža pasłužyć tamu, što pamianiajecca ŭsia sistema ŭładkavańnia dziaržavy.
Ja płanavaŭ sabrać sto tysiač podpisaŭ za dapaŭnieńni ŭ Vybarčy kodeks. Ale zaraz pa hetych słuchańniach ja ŭžo zrazumieŭ, što źbiaru miljon. A kali treba adpakutavać, budu pakutavać.
* * *
Prakuror paprasiŭ zasudzić Dźmitryja Usa na 7 hadoŭ źniavoleńnia.
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
-
Łukašenka pavodzić siabie ŭ «makdonaldsie» jak u savieckaj stałoŭcy. I dumaje, što heta kruta
-
Pucin užo pavinšavaŭ Madžtabu Chamieniei, a Łukašenka nie. Čaho čakaje?
Kamientary