«Umovy ŭsie ŭzhodnienyja, padychody vyznačanyja, sumy vyvieranyja».
Biełaruś uzhadniła ŭmovy i padychody atrymańnia kredytu z Antykryzisnaha fondu JeŭrAzES, paviedamiŭ žurnalistam prem'jer-ministr Michaił Miaśnikovič pa vynikach pasiadžeńnia Savieta kiraŭnikoŭ uradaŭ SND u Minsku 19 maja.
«Pytańnie daŭno prapracoŭvajecca, jość damoŭlenaści, jakija zamacavany ŭ adpaviednaj matrycy, — što my pavinny rabić, kab efiektyŭna rasparadzicca pazykovymi srodkami», — skazaŭ Miaśnikovič.
Jon padkreśliŭ, što asnoŭnyja hrošy znachodziacca va ŭnutranaj ekanomicy i nijakija kredyty nie mohuć vyrašyć hetaje pytańnie.
Razhladajučy mahčymaść atrymańnia kredytu z Antykryzisnaha fondu JeŭrAzES, Biełaruś nacelena na toje, kab chutka vyrašyć usie najaŭnyja prablemy i ŭ dalejšym — zapracavać pa scenaryi, jaki b zabiaśpiečvaŭ zbałansavanuju pracu ekanomiki, zajaviŭ prem'
Pavodle jaho słoŭ, budzie vyrašacca pytańnie ab vydzialeńni Biełarusi troch ci, moža być, troch z pałovaj miljardaŭ dołaraŭ na praciahu troch hadoŭ.
Što tyčycca ŭmoŭ, to jany — makraekanamičnyja, skazaŭ Miaśnikovič. Resursy, pavodle jaho słoŭ, buduć vydzieleny nie na biazvypłatnaj asnovie — pad staŭku, nižejšuju za kamiercyjnuju.
Nahadajem, u pačatku 2011 hoda ŭłady Biełarusi źviarnulisia da ŭrada Rasii pa kredyt u 1 młrd. dołaraŭ i da Antykryzisnaha fondu JeŭrAzES — pa kredyt u 2 młrd. dołaraŭ.
11 maja ministr finansaŭ RF Alaksiej Kudryn abviaściŭ: Rasija nie razhladaje mahčymaści vydzialeńnia Biełarusi kredytu sa svajho biudžetu. Razmova moža iści tolki pra kredytavańnie z Antykryzisnaha fondu JeŭrAzES.
17 maja Alaksandr Łukašenka zajaviŭ, što Rasija hatova prakredytavać Biełaruś bolš čym na 6 młrd. dołaraŭ.
«Ja tolki što razmaŭlaŭ z prezidentam Rasii Dźmitryjem Anatoljevičam Miadźviedzievym. Jon pazvaniŭ mnie, — skazaŭ Łukašenka. — U nas iduć pieramovy z Rasijskaj Fiederacyjaj ab vydzialeńni stabilizacyjnaha kredytu na padtrymańnie kursu biełaruskaha rubla. Pa ŭsich pieramovach jany hatovy da taho, kab terminova, kali heta patrebna, i nie terminova — kali heta nam nie patrebna, adreahavać na heta. I heta prykładna 3,1 miljarda dołaraŭ, kali my, viadoma, budziem padpisvać ź imi adpaviednaje pahadnieńnie».
Jašče «prykładna try miljardy dołaraŭ», pavodle słoŭ Łukašenki, Biełaruś płanuje atrymać u lik budučych pastavak svaich tavaraŭ u Rasiju.
«Usiaho atrymlivajecca šeść ź liškam miljardaŭ dołaraŭ, — reziumavaŭ Łukašenka. — Hetaha dastatkova sioleta nie tolki dla stabilizacyi, ale i dla taho, kab mieć salidnyja zołatavalutnyja reziervy».
U toj ža dzień kiraŭnik Minfina RF paćvierdziŭ, što pieramovy ab vydzialeńni Biełarusi kredytu z fondu JeŭrAzES (pa 1 młrd. u hod na praciahu 2011–2013 hadoŭ) pavinny zaviaršycca ŭ chutkim časie.
Adnak, što tyčycca astatnich 3 młrd., to Minsk, pavodle słoŭ Kudryna, pavinien zarabić ich sam u vyniku pryvatyzacyi dziaržpradpryjemstvaŭ.
«Budzie pryvatyzavany šerah aktyvaŭ dla padtrymańnia płaciežnaha bałansu. Biełaruski bok sam budzie ŭstanaŭlivać, jakija heta aktyvy i ŭ jakija terminy. Zychodziačy z patrebnaściaŭ hetaha hoda prykładna kala troch miljardaŭ dołaraŭ», — skazaŭ ministr
Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć24
Kamientary