Staršynia BNF dziakuje usim, chto spryčyniŭsia da abarony Siadziby.
Šanoŭnyja siabry i paplečniki!
Dazvolcie mnie ad imia Partyi BNF vykazać ščyryja słovy ŭdziačnaści ŭsim inicyjataram i ŭdzielnikam akcyjaŭ salidarnaści z Upravaj BNF, jakuju ŭłady sprabujuć pazbavić pamiaškańnia. Asablivaje značeńnie i aŭtarytet dla nas maje padtrymka, pra jakuju zajavili ŭ kalektyŭnym zvarocie bolš za sto hramadskich lidaraŭ i maralnych aŭtarytetaŭ, što zaklikali da abarony Upravy i zapatrabavali ŭ čynoŭnikaŭ pierahledzić vidavočna palityčnaje rašeńnie ab adabrańni hetaha pamiaškańnia.
Partyja BNF usprymaje vielizarnuju chvalu ludskoj padtrymki jak śviedčańnie słušnaści svajoj spravy.
Štab-kvatera našaj partyi, słavutaja i lehiendarnaja Siadziba, źjaŭlajecca abjektam simvaličnym. Niama sumnievu, što hetaja simvaličnaja značnaść bolšaja za funkcyjanalnuju rolu hetaha pamiaškańnia u jakaści jurydyčnaha adrasu niekalkich hramadskich i palityčnych arhanizacyjaŭ.
Ale simvaličnaje značeńnie nie pavinna zasłaniać dla nas toje, uvasableńniem čaho hety simvał źjaŭlajecca. Biełaruskaja nacyjanalnaja sprava – realnaja hramadska-palityčnaja źjava. Na biełaruskim nacyjanalnym adradžeńni rana viešać jarłyk muziejnaha artefaktu.
I taksama my zapeŭnivajem usich svaich siabroŭ (i papiaredžvajem niepryjacielaŭ): siadziba Partyi BNF niezaležna ad rašeńniaŭ apielacyjnych instancyjaŭ i nadalej budzie utulnym domam biełaruščyny, łaskavym i pryjaznym asiarodkam kulturnickaha žyćcia, miescam, dzie jadnajucca adnadumcy i hurtujucca palityčnyja paplečniki.
Sistema, jakaja ŭstalavałasia siońnia ŭ Biełarusi, kiepskaja nie tolki svajoj niedemakratyčnaj formaj dy amaralnym źmiestam. Nadzvyčaj važna, što hetaja sistema nie maje pad saboj budź jakoha idejnaha hruntu, nie maje anijakaha fundamientu. Mienavita ŭ siłu svajoj biespryncypnaści i ideałahičnaj pustaty siońniašni režym i pieraŭtvaryŭsia ŭ zapaviednik nievuctva i ciemrašalstva.
My – viedajem što robim. Usie my razam, supolna, u partyjach, hramadskija arhanizacyjach, niezaležnych vydańniach, łakalnych kulturnych inicyjatyvach, małych hrupach samadapamohi i salidarnaści – usie my razam stvarajem našuju Ajčynu.
Nie budziem zabyvacca, što biespasiaredniaj nahodaj da vydaleńnia štab-kvatery Partyi BNF ź siońniašniaj Siadziby stałasia maštabnaja akcyja salidarnaści z paliźniavolenymi padčas dramatyčnych padziejaŭ śniežnia minułaha hoda. Tady sotni palitźniavolenych atrymali dapamohu praz pracu vałancioraŭ pa adrasie praśpiekt Mašerava, 8 u Minsku. I što jašče bolš važna – tady była prademanstravanaja mahutnaja čałaviečaja salidarnaść z kožnym paciarpiełym ad palityčnaha hvałtu, salidarnaść z kožnym palitźniavolenym i represavanym, ź ich blizkimi i svajakami.
Chto skaža, što jano taho nie kaštavała? Kali b nam daviałosia viarnucca nazad, viedajučy pra budučuju pahrozu pazbaŭleńnia partyjnaha ofisu – my rabili b toje samaje, u mieru našych mahčymaściaŭ.
Dazvolcie jašče raz ad imia kiraŭnictva Partyi BNF vykazać udziačnaść za akcyi salidarnaści ź Siadzibaj usim udzielnikam kalektyŭnych i pryvatnych zvarotaŭ u jaje abaronu, usim inicyjataram i udzielnikam akcyjaŭ salidarnaści.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary