«Nie — padtrymcy biełaruskaj centralnaj ułady: nijakaj padtrymki, finansavaj abo techničnaj, nijakim sposabam», — padkreślivajecca.
Jeŭrapiejski bank rekanstrukcyi i raźvićcia (JEBRR) pierahledzieŭ pryniatuju ŭ śniežni 2009 hoda krainavuju stratehiju pa Biełarusi i admoviŭsia ad zapłanavanych prajektaŭ u dziaržaŭnym enierhietyčnym siektary. Ab hetym havorycca ŭ aficyjnym paviedamleńni, raźmieščanym na sajcie JEBRR.
«U suviazi ź niespryjalnym raźvićciom palityčnaj situacyi ŭ Biełarusi paśla vybaraŭ u śniežni 2010 hoda i praciaham zakłapočanaści mižnarodnaj supolnaści nakont staŭleńnia [uładaŭ] da palityčnaj apazicyi, hramadzianskaj supolnaści i niezaležnych ŚMI caviet dyrektaraŭ JEBRR vyrašyŭ pierahledzieć apieracyjny padychod banka da Biełarusi ŭ miežach isnujučaj stratehii», — havorycca ŭ paviedamleńni.
U vyniku pierahladu krainavaj stratehii dziejnaść JEBRR u Biełarusi budzie abmiežavanaja prajektami, jakija adpaviadajuć nastupnym kryteryjam: «raźvićcio pryvatnaha siektara, padtrymka biełaruskaha naroda, admova ad finansavaj i techničnaj padtrymki biełaruskich uładaŭ, palapšeńnie ekałahičnych standartaŭ».
Pry hetym adznačajecca, što «ŭ Biełarusi bank praciahnie nadavać pieršaradnaje značeńnie raźvićciu pryvatnaha siektara, u tym liku praź sistemu mikrakredytavańnia». «Bank sfakusirujecca na prajektach, jakija palapšajuć umovy žyćcia biełaruskich ludziej. Nie — padtrymcy biełaruskaj centralnaj ułady: nijakaj padtrymki, finansavaj abo techničnaj, nie budzie akazana biełaruskim uładam nijakim sposabam», — padkreślivajecca ŭ paviedamleńni.
U adpaviednaści ź pierahledžanaj stratehijaj JEBRR admaŭlajecca ad zapłanavanych inviestycyj u prajekty ŭ dziaržaŭnym enierhietyčnym siektary, u tym liku adnosna adnaŭlalnych krynic enierhii, i ŭ śfiery transpartnaj infrastruktury.
Umovy inšych zapłanavanych prajektaŭ — u pryvatnaści, kredytavańnie dziaržbankaŭ i pieradpryvatyzacyjnaja padtrymka — taksama stali bolš žorstkimi i buduć razhladacca na padstavie nazvanych kryteryjaŭ.
«JEBRR praciahvaje zaklikać biełaruskija ŭłady da prahresu na šlachu demakratyčnych i rynačnych reform u adpaviednaści z uziatymi na siabie abaviazacielstvami pa artykule 1 Pahadnieńnia ab zasnavańni JEBRR. Palityčnamu dyjałohu z uładami budzie nadadziena asnoŭnaja ŭvaha. U nastupnym ahladzie, 2012 hoda, saviet JEBRR padviadzie vyniki palityčnaha i ekanamičnaha raźvićcia, i budzie mieć mahčymaść znoŭ razhledzieć adpaviednuju karekciroŭku svajoj stratehii», — adznačajecca ŭ paviedamleńni.
Dziejnaja stratehija supracoŭnictva JEBRR ź Biełaruśsiu była pryniata ŭ śniežni 2009 hoda. Adnak u śniežni 2010 hoda kiraŭnik biełaruskaha pradstaŭnictva JEBRR Vałdas Vitkaŭskas zajaviŭ pra mahčymuju karekciroŭku stratehii ŭ suviazi z padziejami paśla prezidenckich vybaraŭ.
Jon adznačyŭ, što krainavaja stratehija prymajecca kožnyja
Kamientary