«Baćkaŭščyna» prosić MZS Biełarusi patłumačyć pryčyny anulavańnia vizy Jaŭhienu Vapu
U suviazi z anulavańniem ujaznoj vizy ŭ Biełaruś staršyni ŭpravy «Radyjo Racyja» i hałoŭnamu redaktaru tydniovika biełarusaŭ u Polščy «Niva» Jaŭhienu Vapu Zhurtavańnie biełarusaŭ śvietu «Baćkaŭščyna» źviarnułasia ŭ MZS Biełarusi z prośbaj patłumačyć pryčyny pryniataha rašeńnia.
Nahadajem, Jaŭhien Vapa źjaŭlajecca siabram Vialikaj Rady Zhurtavańnia «Baćkaŭščyna» i mienavita pa zaprašeńni «Baćkaŭščyny» jon atrymaŭ słužbovuju vizu dla ŭjezdu ŭ Biełaruś. 23 traŭnia pry pierasiačeńni biełaruskaj miažy biełaruskija pamiežnyja słužby anulavali vizu Jaŭhienu Vapu, nie puściŭšy takim čynam na terytoryju Biełarusi. Pry hetym jamu paviedamili, što pra pryčyny takoha rašeńnia možna daviedacca ŭ Pasolstvie Respubliki Biełaruś u Varšavie. Adnak biełaruskaje pasolstva admoviłasia nazvać hetyja pryčyny.
U liście MHA «ZBS “Baćkaŭščyna», nakiravanym na imia ministra zamiežnych spraŭ Biełarusi, padkreślivajecca, što Jaŭhien Vapa źjaŭlajecca aktyŭnym hramadskim dziejačam biełaruskaj nacyjanalnaj mienšaści ŭ Polščy, staršynioj Biełaruskaha sajuza ŭ Polščy. Šmat u čym dziakujučy jaho dziejnaści biełaruskaja mienšaść u Biełastoččynie zachavałasia i aktyŭna dziejničaje na hramadska-kulturnaj nivie.
«Zhurtavańnie biełarusaŭ śvietu “Baćkaŭščyna» źviartajecca ŭ Ministerstva zamiežnych spraŭ Respubliki Biełaruś z nastojlivaj prośbaj patłumačyć pryčyny anulavańnia ŭjaznoj vizy siabru Vialikaj Rady MHA “ZBS “Baćkaŭščyna” Jaŭhienu Vapu», — havorycca ŭ liście.
Taksama Zhurtavańnie biełarusaŭ śvietu «Baćkaŭščyna» ŭ adpaviednym liście prainfarmavała Ministerstva kultury Biełarusi ab anulavańni vizy Jaŭhienu Vapu, padkreśliŭšy, što Jaŭhien Vapa źjaŭlajecca členam Kansultatyŭnaha savieta pa spravach biełarusaŭ zamiežža pry Ministerstvie kultury Respubliki Biełaruś. Nie majučy vizy jon nie zmoža ŭziać udzieł ŭ pasiadžeńni Kansultatyŭnaha savieta, zapłanavanym na 9 lipienia 2011 hoda. I vykazała prośbu akazać spryjańnie ŭ vyśviatleńni pryčynaŭ anulavańnia vizy Jaŭhienu Vapu i pa mahčymaści pryniać peŭnyja zachady z tym, kab rašeńnie ab anulavańni vizy było admieniena.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary