Łukašenka: kab «potym paŭhoda poŭzali na kaleniach»
«Užyvajcie lubyja mietady: adbirajcie licenzii, sadžajcie ŭ turmu abo prosta biarycie na zamietku». Pryčasanaja stenahrama vystupu Alaksandra Łukašenki 27 maja.
«Užyvajcie lubyja mietady: adbirajcie licenzii, sadžajcie ŭ turmu abo prosta biarycie na zamietku». Pryčasanaja stenahrama vystupu Alaksandra Łukašenki 27 maja publikujecca pavodle «Sovietskoj Biełoruśsii» (uryvak).
Kamitet dziaržaŭnaha kantrolu, urad, hubiernatary nadzialajucca z hetaha dnia usimi paŭnamoctvami pa vyrašeńni prablem spažyvieckaha rynku, dyscypliny, paradku na vytvorčaści i ŭ krainie. I prašu da mianie nie źviartacca z skarhami, što Kamitet dziaržaŭnaha kantrolu, milicyja abo orhany ŭłady, kantralujučy, vykonvajučy daručeńnia Prezidenta i kantralujučy dyscyplinu pracy, kahości «zastukali» u kramie ŭ toj čas, kali jon pavinien być na budaŭničaj placoŭcy, na zavodzie, na fabrycy. Nie čakajcie, paŭtaraju, nijakich ukazańniaŭ, vyhaniajcie z pracy adrazu.
Zaŭtra pačnuć, Alaksandr Sierafimavič [Jakabson], patrabavać ad nas pavyšeńnia zarpłaty. A z čaho jaje padvyšać, kali pradukcyjnaść pracy siońnia nie padvyšajecca?
Ja dumaŭ, vy siońnia dakładziecie pa hetym manitorynhu. Ci
bačycie, pakryŭdzilisia dzieści ŭ Mahilovie, što paprasili dakumienty ŭ kramie kamuści pradjavić. Nu dyk pradjavicie, čaho vy baiciesia? A kali pačali vyśviatlać, to ŭsie z pracy syšli ŭ siaredzinie dnia, chto cukar skuplaje, chto krupy ci jašče štości abo prosta švendajecca na vulicy.Chiba heta dapuščalna?! I ŭsio pačynajecca z nas, z čynoŭnikaŭ, Uładzimir Uładzimiravič (Makiej), Leanid Siamionavič (Malcaŭ). Ja bolš vam paŭtarać heta nie budu. U nas pałova ministerstvaŭ na vulicy ŭ Minsku badziajecca. Złovim — adrazu miatłu u ruki, i vy śledam za imi! My prykład pakazvajem, jak pracavać i jak stavicca da spravy.
Vaźmicie na kantrol ŭsich, chto sabatuje vaša rašeńnie. Heta značyć, kali ź siońniašniaha dnia pryniata rašeńnie ab tym, što nažyvacca na prablemach nielha, a chtości heta robić, to užyvajcie lubyja mietady: adbirajcie licenzii, sadžajcie ŭ turmu abo prosta biarycie na zamietku,kab my potym im, kali stabilizujem stanovišča — a my jaho abaviazkova stabilizujem! — kab my im mahli pradjavić hetyja pretenzii.
U mianie ŭžo było kaliści niekalki hadoŭ tamu nazad, kali nas Rasieja vyrašyła «nachilić» z naftaj, kali ŭ nas na zapraŭkach rasijskich kampanij źnikła nafta. I dziakuj Bohu, što ja tady budavaŭ zapraŭki z pryjarytetam na «Biełarusnaftu», tady my vyjšli z hetaha kryzisu. Ale my ŭziali na zamietku ŭsie hetyja kampanii, i jany paŭhoda pierad mnoj poŭzali na kaleniach, kab ja im daravaŭza toje, što adbyłosia. Sapraŭdy
tak rabicie i z tymi aptavikami, i ŭ sietkach handlovych, jakija nas nie razumiejuć.
Papiaredžvaju ŭsich: ja nie pryjšoŭ siońnia dla taho, kab
niekatoryja mnie kažuć: dy para hałovy zdymać. Ale papiaredžvaju: nie vykanajecie maich patrabavańniaŭ — hałovy palaciać. Michaił Uładzimiravič [Miaśnikovič] … pastaŭcie ŭsich na vajennyja rejki: nie chapaje BiełAZaŭ — 28 hadzin u sutki pracujcie, nie chapaje abutku — 30 hadzin u sutki pracujcie, nie chapaje adzieńnia — 50 hadzin pracujcie,pryciahvajcie ludziej.
Učora razmaŭlaju z adnym biznesmienam, i jon kaža: «Alaksandr Ryhoravič, dy što vy cackajeciesia? Što vy ź imi cackajeciesia? Ja 2 miesiacy tamu za 2 tysiačy dalaraŭ abviaściŭ usiudy: chaču naniać hałoŭnaha inžyniera ŭ budaŭničuju arhanizacyju. 2 tysiačy płaču, jak tolki prychodziać». Dva miesiacy prajšło. Nichto nie adhuknuŭsia.Ładućku telefanuju — 120 tysiač vakansij ci to ŭ krainie, ci to ŭ Minsku. Ludziej, kaža, znajści nie možam.
Za chvilinu da pierasiačeńnia skryžavańnia kartežam prezidenta spyniajuć ruch.
Na jakim by skryžavańni ni pavaročvaŭ — 5 kiłamietraŭ čarha aŭtamabilaŭ, i nie prabicca. Usio doraha, bienzin doraha, i ŭsie kryčać, što niščyja. A mašyny jakija!
Słava Bohu, viadoma, što ludzi žyvuć narmalna. Tolki lamantavać nie treba. Nie stvarajcie vakoł krainy niezrazumieły ažyjataž.
Łatvija «pa techničnych pryčynach» zakryła miažu ź Biełaruśsiu11
Kamientary