Dvoje dzikich słanoŭ uvarvalisia siońnia ŭ horad Majsur upaŭdniova-zachodnim štacie Indyi Karnataka. Jak paviedamili ŭ pravaachoŭnych orhanach, žyvioły ŭčynili pahrom na adnym z rynkaŭ. Supracoŭnik achovy, jaki sprabavaŭ ich utajmavać, zahinuŭ, niekalki čałaviek atrymali traŭmy.
Da miesca zdareńnia byli vyklikanyja palicejskija i rabotniki miascovaha zaaparka. Adnaho słana atrymałasia ŭsypić, druhi ŭsio jašče razhulvaje pa horadzie. Žycharam Majsura rekamiendavana nie vychodzić na vulicu.
Z pačatku hetaha hoda ŭ Indyi dzikija słany ŭžo nie raz napadali na nasielenyja punkty. U studzieni ŭ centralnym štacie Čchatysharch statak raźjušanych žyvioł źniščyŭ nievialiki pasiołak, pakinuŭšy biez dachu nad hałavoj bolš za sto čałaviek. Padobnaje zdareńnie adbyłosia ŭ tym ža miesiacy ŭ štacie Tamiłnad — bolš za 20 słanoŭ pryjšli z džunhlaŭ i razhramili cełuju viosku.
U Indyi słon šanujecca jak nacyjanalnaja žyvioła i znachodzicca pad dziaržaŭnaj abaronaj. Papulacyja ich u krainie składaje 26 tys. asobin. Adnak za apošnija niekalki hadoŭ ad ahresii dzikich słanoŭ u Indyi zahinuli sotni ludziej. Pryčynaj napadaŭ hetych žyvioł na nasielenyja punkty ekśpierty nazyvajuć aktyŭnuju haspadarčuju dziejnaść čałavieka ŭ miescach ich pražyvańnia.
Kamientary