Ludzi z nacyjanalnym stryžniem jość. I nas mnoha
Dobry dzień, pavažanaja redakcyja.
Vašu hazietu pačaŭ čytać zusim niadaŭna. Dumaju, pryčyny jasnyja.
Niekali daŭno, u studenctvie, ja kazaŭ, što budu padtrymlivać ciapierašni režym da taho času, pakul nie vyrašu zaniacca svajoj spravaj abo pakul budu pracavać na vytvorčaściach, što datujucca dziaržavaj.
Ź ciaham času źmianialisia nie tolki pryjarytety, ale i pohlad na isnuju situacyju.Praz adsutnaść pavahi da majoj hałavy z boku dziaržavy ja źjechaŭ pracavać u Maskvu, choć uvieś čas byŭ źviazany ź Biełaruśsiu, vučyŭsia ŭ Akademii kiravańnia na zavočnym, atrymlivajučy treciuju vyšejšuju adukacyju (ja inžynier, pierakładčyk i ekanamist, pryčym liču, što całkam ščyra advučyŭsia ŭsiudy).
Bačačy skockaje staŭleńnie da majoj krainy ŭ Rasii siarod zvyčajnych ludziej, ja ŭsio macniej chacieŭ viernucca dadomu, ale pakul ja tam patrebien tolki jak hramadzianin, a nie jak krynica raźvićcia ekanomiki i pramysłovaści. Tamu ŭsio čaściej staŭ čytać vašu hazietu, choć raniej staviŭsia da vas niehatyŭna.
Viedajecie, da čaho heta padobna? Da taho, kali maleńki čałaviečak nie choča iści sa škoły dadomu — tam pjany debašyr baćka i pastajanny hałaŭny bol ad šumu, chočacca ŭciačy, ale dom jość dom, i tudy ciahnie.A potym znachodzicca miesca, dzie tabie nie toje kab radyja, ale tam ty chacia b možaš spakojna bavić čas.
Vialiki dziakuj za apieratyŭnuju i cikavuju infarmacyju. Asablivy i asobny dziakuj za biełaruskuju movu. Mnie pryjemna čytać i ŭśviedamlać, što ŭ nas, akramia ŭsiaho inšaha, jość vydatnaja prykmieta asobnaj nacyi — mova. Ale miescami mnie nie ŭsio zrazumieła. Jak vy dumajecie, moža, varta źviarnucca da našych linhvistaŭ i arhanizavać niejkija interaktyŭnyja kursy pa biełaruskaj movie?
Mnie 27, žyćcio napieradzie, ja chaču pravieści jaho ŭ Biełarusi i chaču, kab maje dzieci havaryli na rodnaj movie.Nie ŭpeŭnieny, što mnohim zachočacca znoŭ vučyć movu, ale ludzi z nacyjanalnym stryžniem jość, niachaj ich i nie tak šmat.
Kamientary