Amerykancy byli šakavanyja «Marozkam». Jany pisali, što heta «hlučny narkamanski film, jaki nielha pakazvać dzieciam», dzikunskaja kazka sa złym hrybam, jaki žyvie ŭ chacie na łapach — i šyzoidny kašmar nie dla ŭsich.
Marozka (Morozko)
Rasieja (SSSR), 1964, kalarovy, 84 chv.
Režyser: Alaksandar Roŭ
Roli vykonvajuć: Alaksandar Chvyla, Natalla Siadych, Eduard Izotaŭ, Ina Čurykava, Hieorhi Milar, Pavał Paŭlenka.
Žanr: Dziciačy film‑kazka pa scenaru Mikałaja Erdmana i Michaiła Vołpina
Adznaka: 8,79 (z 10)
Žyła‑była dobraja dziaŭčynka Naścia. Złaja mačycha nie lubiła padčarku — i ŭsialak jaje zvodziła. Adnojčy jana vypraviła dziaŭčynu zamiarzać u zimovy les. A jašče žyŭ u tych krajoch chłopiec Ivan — vialiki vychvalaka, za što j byŭ pieratvorany ŭ miadźviedzia. Dapamoh hierojam dzied Maroz. A złaja mačycha i jaje dačka byli pakaranyja.
Staraja miłaja kazka savieckaha kinačaraŭnika Alaksandra Roŭ. I admysłovyja efekty zaraz inšyja, i kamputary dadajuć svajo, ale dziciačy film nie hublaje svajho naivu j śviežaści.
Asablivy šyk karciny — hrateskovyja roli vybitnych aktoraŭ. Ina Čurykava — u roli tupoj, złoj i skvapnaj dački, Hieorhi Milar (Beła Łuhošy, Barys Karłaf, Łon Čejni i Robert Enhłund u adnoj asobie) — z najlepšaj Babaj Jahoj za svaju karjeru.
Amerykancy byli šakavanyja «Marozkam». Jany pisali, što heta «hlučny narkamanski film, jaki nielha pakazvać dzieciam», dzikunskaja kazka sa złym hrybam, jaki žyvie ŭ chacie na łapach — i šyzoidny kašmar nie dla ŭsich.
Ale abaviazkova pakažycie jaho svaim dzieciam.
Film počastu pakazvajuć pa televizii. Ale pad Novy hod dzieci mohuć pahladzieć stužku na vialikich ekranach. 30 śniežnia — u «Pijanery» a 10.20, 31 śniežnia — u «Domie kino» ŭ 12.00.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju2
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary