Kiebič: «Biełaruski «ekanamičny cud» nie adbyŭsia

Były prem'jer-ministr zajaviŭ, što biełaruski «ekanamičny cud» nie adbyŭsia.

Nahadajem, što Viačasłaŭ Kiebič uznačalvaŭ urad BSSR, a zatym Respubliku Biełaruś u 1990—1994 hh. Prajhraŭšy na prezidenckich vybarach, jon pazbaviŭsia pasady.

Paśla adstaŭki eks-kiraŭnik urada pieramiaściŭsia na pasadu staršyni Biełaruskaha handlova-finansavaha sajuza. Jak raskazaŭ Kiebič u svajoj knizie «Spakusa ŭładaj», niekatory čas jon znachodziŭsia «pad kaŭpakom»: «Hady paŭtara-dva paśla adstaŭki za mnoju pa piatach chadziła naružka. Ja i sam bieź ciažkaści vyjaŭlaŭ jaje. Dy i viernyja ludzi ŭ śpiecsłužbach inšy raz telefanavali, papiaredžvali:

— Padčas zaŭtrašnich pieramovaŭ, Viačasłaŭ Francavič, nie kažycie ničoha lišniaha — budziem zapisvać vašyja hutarki.

Było b što zapisvać!

Nie raz rabilisia i sproby dyskredytavać mianie…»

Adnak nieŭzabavie Alaksandr Łukašenka pierakanaŭsia ŭ łajalnaści byłoha supiernika na prezidenckich vybarach. Viačasłaŭ Kiebič atrymaŭ miesca ŭ pałacie pradstaŭnikoŭ Nacyjanalnaha schodu pieršaha sklikańnia i zatrymaŭsia tam na dva terminy. A niadaŭna Łukašenka pavinšavaŭ jaho z 75-hodździem: «Vy viedajecie canu słovu, zaŭsiody robicie ŭsio, što ad Vas zaležyć, kab prynieści karyść našaj dziaržavie i biełaruskamu narodu…»

Darečy, pra słovy. U vyšejzhadanaj knizie Kiebiča chapaje kamplimientarnych pasažaŭ u adras kiraŭnika krainy, ale i svajho kštałtu padkołak taksama niamała. A niadaŭna były prem'jer-ministr daŭ intervju časopisu Sexus. I tam nie abyšłosia biez davoli žorstkaj krytyki ciapierašnich uładaŭ.

— U pačatku 1990-ch hh. u narodzie pieravažała zuchavataja svaboda, a ciapier — strach, — ličyć Viačasłaŭ Kiebič. — Mnie voś pra salihorskich šachcioraŭ raskazvali, pra traktarny zavod: maŭlaŭ, źbiralisia strajkavać, zakliki pajšli vyjści na vulicy 3 lipienia.

Ale ničoha nie budzie — ludziej ciapier hłušyć strach.

Eks-kiraŭnik urada ličyć, što treba vypuskać tuju pradukcyju, jakaja karystajecca popytam, a bieśpierśpiektyŭnyja zavody varta zakryć. Ale jon nie vieryć, što ŭ najvyšejšaha kiraŭnictva Biełarusi adbudziecca rynkavy ŭchił u śviadomaści.

— Mnie soramna, kali ludzi toŭpiacca la abmieńnikaŭ abo źmiatajuć tavar z palicaŭ kramaŭ, — skazaŭ Kiebič. — 

Jašče mnie soramna za hałoŭnaha bankira Prakapoviča.

«Biełaruski «ekanamičny cud» nie adbyŭsia,

Alaksandru Łukašenku, jaki tak vysoka šanuje słovy byłoha prem'jer-ministra, varta prysłuchacca da prysudu, jaki toj vynies «unikalnaj ekanamičnaj madeli».

• 0
• 0
• 0
• 0
• 0
• 0
• 0
• 0