A.Vajtovič: «Łukašenka nikomu nie daviaraje, akramia syna»
Na nacyjanalnym pravavym internet‑partale Respubliki Biełaruś źjaviłasia paviedamleńnie pra Ukaz prezydenta Biełarusi №3 ad 5 studzienia 2007 hodu.
Pavodle jaho, unosiacca niekatoryja źmieny va Ukaz ad 23 studzienia 2004 hodu «Ab składzie Rady biaśpieki Respubliki Biełaruś». Prynamsi ŭ skład Rady biaśpieki ciapier uviedzieny pamočnik prezydenta ŭ nacyjanalnaj biaśpiecy Viktar Łukašenka ‑‑ starejšy syn Alaksandra Łukašenki.
Nahadajem, što raniej u skład Rady biaśpieki ŭvachodziła tolki vuzkaje koła słužbovych asobaŭ: prezydent, dziaržsakratar Rady biaśpieki, preḿjer‑ministar, kiraŭnik Administracyi prezydenta, staršyni abiedźviuch pałat Nacyjanalnaha schodu, staršynia Nacbanku, ministar finansaŭ, a taksama kiraŭniki vyklučna siłavych viedamstvaŭ.
Pryznačeńnie starejšaha syna Alaksandra Łukašenki Viktara ‑‑ siabram Rady biaśpieki kamentuje dla našaha radyjo były siabar hetaj struktury Alaksandar Vajtovič:
Vajtovič: «Łukašenka rychtuje sabie pierajemnika. Pra heta ja, darečy, pisaŭ u adkrytym liście da jaho jašče ŭ 2004‑m hodzie. A pakolki jon nikomu nie daviaraje, akramia syna, dyk, zrazumieła, što nastupnym prezydentam jon bačyć Viktara. Mienavita ŭ hetym kantekście i treba razhladać pryznačeńnie syna kiraŭnika dziaržavy siabram Rady biaśpieki ‑‑ struktury, siabroŭstva ŭ jakoj vielmi abmiežavanaje i ŭklučaje vuzkaje koła ludziej, vyklučna ŭ adpaviednaści ź ichnymi pasadami.
Alaksandar Łukašenka razumieje, što pieradača vyšejšych dziaržaŭnych paŭnamoctvaŭ synu ‑‑ heta adzinaje vyratavańnie dla jaho. Kali pryjdziecca sychodzić z hetaj pasady, dyk dla taho, kab prychavać usio toje, što było pry im, a, moža, navat i nie adkazvać za niejkija spravy, jość tolki adno vyratavańnie ‑‑ syn».
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary