Złučanym Štatam nie patrebnyja rejtynhavyja ahienctvy, kab zrazumieć nieabchodnaść źnižeńnia biudžetnaha deficytu i važnaść pošuku kampramisu pamiž demakratami i respublikancami,zajaviŭ prezident ZŠA Barak Abama, vystupajučy 8 žniŭnia sa śpiecyjalnaj zajavaj dla presy.
Abama asabista vykazaŭsia pa hetym pytańni ŭpieršyniu paśla taho, jak u piatnicu ahienctva S&R paniziła kredytny rejtynh ZŠA z maksimalnaha «AAA» da «AA +». Rašeńnie ahienctva, pryniataje paśla taho, jak u ZŠA praź biaskoncyja pieramovy pa pavyšeńni stoli dziarždoŭhu ledź nie adbyŭsia techničny defołt, što paciahnuła za saboj padzieńnie suśvietnych rynkaŭ.
«Nam nie patrebnyja rejtynhavyja ahienctvy, kab skazać pra nieabchodnaść zbałansavanaha padychodu da skaračeńnia deficytu. Nam nie patrebnyja rejtynhavyja ahienctvy, kab zrazumieć, što tupikovyja pieramovy, jakija vialisia niekalkich miesiacaŭ, byli, miakka kažučy, niekanstruktyŭnymi», — skazaŭ prezident ZŠA.
Abama padkreśliŭ, što demakratam i respublikancam treba šukać kampramis i pravodzić reformy, u tym liku padatkovuju, jakija dapamohuć stvaryć novyja pracoŭnyja miescy i ŭmacavać ekanamičnaje stanovišča ZŠA.
«Hetyja reformy nie patrabujuć radykalnych krokaŭ, jany patrabujuć tolki zdarovaha sensu i kampramisu», — adznačyŭ prezident ZŠA.
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary