Najbolšuju niebiaśpieku dla sistemy ŭjaŭlajuć siońnia aktyvisty siaredniaha źviana. Piša Andrej Pavač.
Kali pryznacca ščyra, to pad zasłonu sudovych pracesaŭ pa spravie 19 śniežnia 2010 dumałasia, što niekatorych abvinavačanych mohuć vyzvalić užo ŭ sudovaj zale.Asabliva chaciełasia pra heta vieryć u dačynieńni da Dźmitryja Usa. Bo ŭžo tady, u
(słova «vypadkovyja» ja kažu ni ŭ jakim razie nie kab pakryŭdzić taho ž Drazda, abo Pratasieniu, jany biezumoŭnyja hieroi, ale fakt — jany nie palityčnyja aktyvisty). Chutčej za ŭsio ich by vypuścili i raniej, ale ŭ červieni — lipieni adbyvałasia tak zvanaja «maŭklivaja revalucyja», i vyzvaleńnie niekalkich palitviaźniaŭ było b uspryniataje jaje ŭdzielnikami jak jaŭnaja pieramoha. Tamu ŭładam daviašłosia pačakać, pakul nie da času zacichnie plaskańnie ŭ dałoni na płoščach biełaruskich haradoŭ.Voś i pieršyja «pamiłavanyja» vyjšli na volu. Heta, skažam tak, najbolš vypadkovyja z tych, chto trapiŭ za kraty paśla śniežnia 2010
U suviazi z hetym pamiłavańniem šmat u kaho paŭstańnie pytańnie, jakoj łohikaj budzie kiravacca ŭłada, vyzvalajučy novyja partyi palitźniavolenych. Jak padajecca, łohika dastatkovaja prostaja: buduć spačatku vyzvalać najmienš viadomych i najmienš niebiaśpiečnych. Tamu
za hetymi dzieviaćciu pojduć najpierš aktyvisty vybarčych štabaŭ, presavyja sakratary i palittechnołahi, dalej ułasna kandydaty i tolki paśla ich, apošnimi, vyzvalać maładafrontaŭcaŭ.
Vykažu tut dumku, jakaja, treba mierkavać, jość šmat u kaho, ale pra jakuju mała chto havoryć. Režym najbolš baicca navat nie palityčnych lidaraŭ, kandydataŭ u prezidenty. Dla režymu najbolš niebiaśpiečnyja siońnia nie Sańnikaŭ, Statkievič i Us, jakija navat paśla svajho vychadu na svabodu zastanucca hałoŭnym čynam simvaličnymi asobami, faktyčna ŭ siońniašniaj situacyi «hienierałami biez armii». Najbolšuju niebiaśpieku dla sistemy ŭjaŭlajuć siońnia aktyvisty siaredniaha źviana, tyja, kaho ŭ inšych umovach možna było b nazvać «palavymi kamandzirami». Heta najpierš maładafrontaŭcy i anarchisty — Łobaŭ, Vinahradaŭ, Daškievič, Kirkievič, Vasilenia i, kaniečnie ž, niazłomny Mikita Lichavid. Jany stali žyvym dokazam nieŭmiručaści biełaruskaj nacyjanalnaj idei, dušoju Płoščy, jaje hierojami i adnačasova achviarami. Achviarami — tamu, što dziejničali va ŭmovach, kali «macioryja» palityčnyja zubry nie zmahli damovicca pamiž saboju pra płan dziejańniaŭ 19 śniežnia i ŭ dadatku kupilisia na pravakacyju sa «šturmam» Doma ŭrada. U hetych maładych ludziej niama dośviedu vystupleńniaŭ na mižnarodnych kanfierencyjach i ŭ jeŭrapiejskich parłamientach, ale jany ŭsio bolš i bolš adčuvajuć ludziej i realna mohuć stać ruchavikami biełaruskaj revalucyi (kaniečnie, tolki va ŭmovach adpaviednaj ekanamičnaj situacyi). Tamu jany i vyjduć na svabodu apošnimi.
Naahuł z hetymi maładzionami pry peŭnaj tryvałaści biełaruskaha hramadstva i Zachadu Łukašenka moža apynucca ŭ vielmi składanym stanoviščy.Biezumoŭna, «pamiłavańni» buduć praciahvacca. I kandydaty, samyja hałoŭnyja «tuzy» palityčnaha handlu ź Jeŭropaj i ZŠA, taksama vyjduć na volu. Pryčym adnosna chutka. I voś tady Zachad stanie pierad pytańniem: abo zapluščyć (abo, skažam tak, prypluščyć) vočy na reštu palitźniavolenych i narešcie pačać pieramovy pra čarhovuju libieralizacyju (a dalej pra valutnyja kredyty i h.d.), abo cisnuć da kanca. I voś u druhim vypadku biełaruskaja ŭłada moža trapić u zamknionaje koła — ekanamičnaja situacyja praciahvaje paharšacca, adpaviedna nakalajecca i palityčnaja abstanoŭka, a mahčymaściu palepšyć stanovišča budzie tolki vypusk na volu ludziej, jakija, pa sutnaści, źjaŭlajucca simvałami supraciŭleńnia režymu, aktyvistami hetaha supraciŭleńnia, jakija, u dadatak, prajšli praz turmu i turmoj ich užo nie spałochaješ. Da taho ž vychad na volu hetych chłopcaŭ biezumoŭna stvoryć im areoł nie prosta hierojaŭ, ale i (badaj što ŭpieršyniu) realnych pieramožcaŭ, što spravakuje prytok aktyvistaŭ u šerahi «Maładoha Frontu» (kaniečnie, treba budzie naležnym čynam skarektavać prahramu pracy, ale toje ŭžo inšaja razmova).
Tamu łozunh i biełaruskaha hramadstva, i Zachadu pavinien być adzin: «Vyzvaleńnie ŭsich palitźniavolenych sa źniaćciem sudzimaściaŭ, spynieńnie ŭsich palityčnych kryminalnych spravaŭ, jakija zakručvajucca ciapier». I paśla taho jak Łukašenka vypuścić usich, nijakich pieramovaŭ ź im taksama vieści nie varta. Treba budzie tolki niekalki miesiacaŭ pačakać.
-
Statkievič: Dla Biełarusi moža stvarycca takaja situacyja, što ŭsie dziaržavy vakoł nas buduć mieć jadziernuju zbroju
-
Staŭka bolšaja, čym žyćcio: što aznačaje list Zialenskaha Pucinu
-
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ
Kamientary