U chodzie sutyknieńniaŭ u Karačy na poŭdni krainy za apošnija sutki zahinuŭ 31 čałaviek.
U chodzie sutyknieńniaŭ u Karačy na poŭdni krainy za apošnija sutki zahinuŭ 31 čałaviek.
Napiaredadni ŭ sieradu ŭ horadzie byli zabityja 13 čałaviek, u tym liku były člen parłamienta Vadža Karym Dad. Pradstaŭniki miascovych uład paviedamlajuć, što ŭ trupiarni horada praciahvajuć pastupać cieła zabitych minułaj nočču. Mnohija ź ich byli vykradzienyja i padvierhnulisia katavańniam pierad śmierciu.
Zabojstvy ŭ Karačy pačalisia paśla taho, jak samaja masavaja ŭ Karačy partyja Abjadnany nacyjanalny ruch Pakistana (MQM) zajaviła ab tym, što jana znoŭ uvojdzie ŭ kiroŭnuju kaalicyju.
Hetaja partyja vyjšła z kaalicyi, abvinavaciŭšy hałoŭnaha partniora va ŭradzie — Pakistanskuju narodnuju partyju (PPP) — u admovie ad baraćby z palityčnym hvałtam.
Pa źviestkach palicyi, tolki ŭ lipieni hetaha hoda ŭ Karačy zahinuła 315 čałaviek.
Karespandent Bi-bi-Si ŭ Karačy Sajied Šoajb Chasan paviedamlaje, što cieły zahinuŭšych znachodziać pa ŭsim horadzie. Jany zahornutyja ŭ džutavyja miachi. Pa słovach karespandenta, hetyja zabojstvy nabyli niematyvavany charaktar, a ich achviarami stanoviacca žančyny, dzieci i padletki.
Na šmatlikich znojdzienych ciełach majucca ślady katavańniaŭ, u niekatorych z zahinułych vykałali vočy.
Cieły znachodziać u asnoŭnym u rajonie Łjary va ŭschodniaj častcy horada. Mienavita tam u sieradu byŭ zabity były člen parłamienta Vadža Karym Dad. Jon siadzieŭ u prydarožnaj kaviarni i byli zabity ŭzbrojenymi ludźmi na matacykłach.
Karačy žyvie ciapier u atmaśfiery strachu — ruch hramadskaha transpartu spynieny, mnohija kramy začynienyja. Pad kulu moža trapić kožny — niezaležna ad palityčnaj aryjentacyi abo etničnaj prynaležnaści.
Zabojstvy praciahvajucca, niahledziačy na sproby prymireńnia siarod palityčnych partyj. Pradstaŭniki sił biaśpieki ličać, što zabojcy znachodziacca pad zastupnictvam vysokapastaŭlenych palitykaŭ.
Na ich dumku, zabojstvy vykarystoŭvajucca z metaj raspalvańnia mižetničnych kanfliktaŭ, a taksama złačynnymi hrupoŭkami, jakija zmahajucca za śfiery ŭpłyvu pad vyhladam palityčnaj aktyŭnaści.
Ciapier čytajuć
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary