Jak haračyja piražki raskuplivajecca ŭ hetaj krainie kampakt dysk šumilincaŭ.
Carkoŭny chor «Błahaviest» šumilinskaha chrama Śviaciciela Mikałaja (Viciebskaja vobł.) zapisaŭ u Hałandyi dysk, jaki z pośpiecham raskuplivajecca ŭ hetaj krainie. Ab hetym karespandentu BIEŁTA raskazała rehient choru Halina Babak.
Ab papularnaści dyska z psałmami i narodnymi biełaruskimi pieśniami ŭ vykanańni «Błahaviesta» śviedčyć toj fakt, što pry pieršapačatkovym prodažy jaho košt byŭ 7 jeŭra, a siońnia dadatkovy tyraž užo pradajecca pa canie, što pierasiahaje 20 jeŭra.
Jak raskazała Halina Babak, historyja z zapisam dyska pačałasia ŭ minułym hodzie, kali pradstaŭniki hałandskaha dobračynnaha fondu «Dapamažy ludziam» pabyvali ŭ Šumilinskim rajonie i na adnym z kancertaŭ pasłuchali vystupleńnie carkoŭnaha choru. Adrazu ž paśla hetaha było zaprašeńnie charystaŭ u Hałandyju, dzie na hukazapisnoj studyi stvaryli dysk. U jaho ŭvajšli 13 piesień, psałmoŭ i liturhij, pryčym nie tolki na carkoŭnasłavianskaj, ale i na biełaruskaj movie. Prezientacyja dyska prajšła pa ŭsich praviłach zachodniaha šou‑biźniesu: «Błahaviest» davaŭ kancerty, a zatym pačynaŭsia prodaž. Za piać dzion prajšło 6 kancertaŭ z anšłaham. Varta dadać, što da hetaha chor śpiavaŭ tolki ŭ cerkvach Šumilinskaha rajona.
Usie srodki, atrymanyja ad vystupleńniaŭ i prodažu dyskaŭ, a heta, pavodle słoŭ Haliny Babak, užo davoli vialikaja suma, buduć nakiravany na padtrymku vychavancaŭ damoŭ‑internataŭ u Viciebskaj vobłaści.
U chory «Błahaviest» śpiavajuć 7 čałaviek, usie jany piedahohi.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty51
Kamientary