Finski forvard Ciejemu Sielanie raspavioŭ pra siabroŭstva ź biełaruskim abaroncam, razam ź jakim hulaŭ za «Anachajm»
Finski forvard Ciejemu Sielanie raspavioŭ pra siabroŭstva ź biełaruskim abaroncam, razam ź jakim hulaŭ za «Anachajm»
«Rusłan byŭ maim dobrym siabram, i my zaŭsiody padtrymlivali suviaź. My hulali časta razam u karty, niaredka sumiesna abiedali. Mnie nastolki ciažka čuć pra heta, što ja da hetaha času nie mahu ŭ heta pavieryć. Kali ja pačuŭ, što kamanda trapiła ŭ avijakatastrofu, ja spadziavaŭsia, što jon tolki paranieny, abo što jaho naohuł nie było ŭ samalocie.
Heta čorny dzień dla ŭsich.Jon byŭ vydatnym chłopcam, sapraŭdnym mužykom, zaŭsiody addavaŭ usio dla kamandy. Taki, viedajecie, chłopiec, jaki zaŭsiody vielmi patrebny ŭ raspranalni — sapraŭdnaja duša kamandy.
Ja pačuŭ hetuju navinu ad žonki, kali ranicaj pračnuŭsia. Jana skazała, što ŭ Rasii raźbiŭsia samalot, na jakim była chakiejnaja kamanda. Mnie było strašna iści i čytać padrabiaznaści ŭ internecie ab tym, što za kamanda, bo ja viedaŭ, što ŭ lubym vypadku tam budzie šmat ludziej, jakija dobra viadomyja mnie asabista. Tak jano, viadoma, i apynułasia. Ja hulaŭ z Skrastyńšam, dobra viedaŭ Dziamitru. Heta tak sumna», — cytuje Sielanie aficyjny sajt «Anachajma».
Kamientary