«Miełancholija» Łarsa Tryjera
Danija — Hiermanija — Šviecyja — Francyja, 2011, kalarovy, 130 chv.
Režysior: Łars fon Tryjer
Roli vykonvajuć: Kirsten Danst, Šarłota Hiensbur, Kifer Sazerłend, Šarłota Remplinh, Džon Chiort, Alaksandr Skarshard, Uda Kir, Stełan Skarshard
Žanr: Siamiejna-apakaliptyčnaja elehija
Adznaka: 5,5 (z 10)
Žustyn śviatkuje viasielle, ale nie zdolnaja schavać svajho sumu. Pakul ludzi baviacca, da Ziamli nabližajecca płanieta Miełancholija, jakaja źniščyć usio žyvoje.
Łars Tryjer pryznaŭsia, što źniaŭ karcinu, kab pazbycca depresii. Tryjeraŭskaja miełancholija esteckaja j vytančana-fatahrafičnaja, z uźniosłaj muzykaj Vahnera i zamarudžana-šykoŭnymi kadrami. Miełancholija, papularnaja ŭ časy Reniesansu była vitalnaj. Miełancholija dackaha skandalista — heta sychod Novaha času. Zharajuć karciny Pitera Brejhiela, uchvalenyja Andrejem Tarkoŭskim; pad zornym niebam padaje koń, spłyvaje niaviesta-Afielija. Žyćcio pakinuła hramadu, zastalisia tolki krochkija dekaracyi, što musiać być spalenyja.
Siamiejnyja stasunki raźvinčanyja — i navat samota nie suciašaje. Mužčyny paŭciakali j zdalisia. Žančyny-«antychrysty» — Kirsten Danst, Šarłota Hiensbur, Šarłota Remplinh — bajacca, praklinajuć i radujucca katastrofie.
Mnohich piekna-nienaviśnickaja «Miełancholija» začaravała, ale płanieta hetaha jaŭna nie zasłužyła.
Paśla 2020-ha ad Jarmošynaj admoviŭsia navat sadoŭnik, jaki stryh jaje kusty ŭ Drazdach2
Kamientary