Apošnija čaćviorni naradzilisia ŭ Ašmianach i Stoŭbcach

Pavodle danych pierapisu nasielnictva 80% biełarusak 15 hadoŭ i bolš źjaŭlajucca maci. Pra hetapaviedamili ŭ pres-słužbie Nacyjanalnaha statystyčnaha kamiteta.

Nahadajem,14 kastryčnika ŭ Biełarusi adznačajecca Dzień maci.

Tak, na momant praviadzieńnia pierapisu nasielnictva (14 kastryčnika 2009 hoda) 4 młn. 205 tys. žančyn 15 hadoŭ i bolš ukazali naradžeńnie 6 młn. 511,6 tys. dziaciej, što ŭ raźliku na 1.000 žančyn składaje 1.549 dziaciej. Pry hetym pakazčyki liku narodžanych dziaciej na 1.000 haradskich i sielskich žančyn značna adroźnivajucca. Lik dziaciej, narodžanych na 1.000 žančyn 15 hadoŭ i bolš, jakija pražyvajuć u sielskaj miascovaści, u 1,5 razu bolš, čym na 1.000 žančyn hetaha ž uzrostu, jakija pražyvajuć u haradskich pasialeńniach.

Dola žančyn 15 hadoŭ i bolš, jakija naradzili adnaho-dvuch dziaciej, vyrasła z 60,3%, pavodle danych pierapisu nasielnictva 1999 hoda, da 65% pavodle danych pierapisu nasielnictva 2009 hoda, a naradziŭšych troch i bolš dziaciej skaraciłasia z 18,7% da 14,5% adpaviedna.

Štohod pačynajučy z 2007 hoda bolš za 100 tys. žančyn stanoviacca maci, ź ich bolš za pałovu — upieršyniu. Tak, u 2010 hodzie naradziłasia 108 tys. dziaciej, u tym liku 56,5 tys. dziaciej naradziłasia pry pieršych rodach. Rost liku paŭtornych naradžeńniaŭ nazirajecca z 2005 hoda. U 2010 hodzie na dolu druhich i trecich naradžeńniaŭ prypadała 44,7% (u 2005 hodzie — 38,5%).

U 2010 hodzie ŭ Biełarusi zafiksavana 1.027 vypadkaŭ naradžeńniaŭ dvajniataŭ, 18 — trajniataŭ i adzin — čaćviarni (u Stoŭbcach Minskaj vobłaści). A rekardsmienam pa kolkaści dvajniataŭ i trajniataŭ za apošnija dziesiać hadoŭ staŭ 2009 hod, u jakim było zarehistravana naradžeńnie 1.103 dvajniataŭ i 22 trajniataŭ, a taksama adnoj čaćviarni ŭ Ašmianach Hrodzienskaj vobłaści.

U 2010 hodzie 80,4% dziaciej naradziłasia ŭ žančyn, jakija ŭ zarehistravanym šlubie, i 19,6% u žančyn, jakija nie ŭ zarehistravanym šlubie, u toj čas jak u 2005 hodzie dola dziaciej, narodžanych pa-za šlubam, składała 24,2%. Ciapier kožnaje piataje dzicia ŭ krainie naradžajecca pa-za zarehistravanym šlubam.

U Biełstacie adznačyli, što dla Biełarusi, jak i dla mnohich jeŭrapiejskich dziaržaŭ, charakterna tendencyja pavieličeńnia siaredniaha ŭzrostu žančyn pry naradžeńni pieršaha dziciaci. Kali ŭ 2005 hodzie siaredni ŭzrost maci pry naradžeńni pieršaha dziciaci składaŭ 23,9 hoda, to ŭ 2010 hodzie — 24,9 hoda.

• 0
• 0
• 0
• 0
• 0
• 0
• 0
• 0