«Defołt Biełarusi niepaźbiežny»

Biełaruś ruchajecca ŭ kirunku defołtu. Mižnarodnyja valutnyja reziervy hetaj krainy z nasielnictvam u 10 miljonaŭ čałaviek na zychodzie. Pa aficyjnaj infarmacyi na 1 kastryčnika jany skłali $2,2 miljarda, sumu, roŭnuju abjomu impartu za adzin miesiac. Ale kali zapasy nastolki małyja, zaŭsiody ŭźnikaje pytańnie, ci možna ich vykarystoŭvać. Tym časam inflacyja padskoknuła i ŭ vieraśni dasiahnuła 80%. 17 kastryčnika misija Mižnarodnaha valutnaha fondu (MVF) źjechała z krainy, admoviŭšy Biełarusi ŭ choć jakoj finansavaj dapamozie.

Biełaruś moža być vymušana spynić svaje mižnarodnyja płaciažy ŭ luby dzień.

Alaksandr Łukašenka pieražyvaje svoj samy surjozny kryzis za 17 hadoŭ znachodžańnia va ŭłady. I hety kryzis moža stać apošnim. Pamyłki ŭ ekanamičnaj palitycy, zroblenyja im minułaj vosieńniu i vyklikali hety niebiaśpiečny finansavy kryzis.

Biełaruś źjaŭlajecca apošniaj savieckaj ekanomikaj u Jeŭropie. Dziaržaŭnyja pradpryjemstvy pa-raniejšamu vyrablajuć 70% vałavoha ŭnutranaha pradukta, a dziaržava rehuluje vytvorčaść i asnoŭnaje koštaŭtvareńnie. Budzie tolki nievialikim pierabolšańniem skazać, što Biełaruś žyvie za košt pierapracoŭki subsidujemaj Rasijaj nafty i hazu na Zachad, ekspartujučy lepšyja savieckija ŭzory vytvorčaści ŭ pravincyi Rasii. Heta madel pracavała na ździŭleńnie doŭha, ale Kreml nie adčuvaje asablivaj lubovi da Łukašenki, i asnoŭnaj pryčynaj kryzisu źjaŭlajecca toje, što Rasija sioleta skaraciła svaje enierhietyčnyja subsidyi z 15% VUP Biełarusi da 7%. U toj čas jak u žycharoŭ rasijskaj pravincyi zapyty stali zanadta vysokimi dla taho, kab nabyvać jakuju b tam ni było savieckuju pradukcyju.

Vyrašalnaj pamyłkaj Łukašenki stała rašeńnie padniać zarabotnuju płatu ŭ dziaržaŭnym siektary na 50% u listapadzie minułaha hoda,

Niahledziačy na heta, vyniki prezidenckich vybaraŭ dla Łukašenki byli nastolki drennymi, što aficyjnyja spravazdačy naziralnikaŭ navodziać na dumku, što jon ich skraŭ, vykarystoŭvajučy hvałt i prysudziŭšy bolšaść svaich kankurentaŭ da šmathadovych turemnych terminaŭ. Złučanyja Štaty i Jeŭrapiejski Sajuz adkazali va ŭnison sankcyjami suprać niekatorych čynoŭnikaŭ i pradpryjemstvaŭ i zapatrabavali nieadkładnaha vyzvaleńnia 40 palityčnych źniavolenych, ale mnohija dahetul znachodziacca ŭ turmie.

Zamiest taho, kab pravieści nieabchodnyja reformy, kali ŭ jaho jašče byŭ čas, Łukašenka pasprabavaŭ sabrać hrošaj tam, dzie jon moža.

Niahledziačy na niekatoryja raspłyvistyja zajavy ad Jeŭrapiejskaha źviaza i MVF, pra zachodniaje finansavańnie nie moža być i havorki.

Adna z prablem Łukašenki składajecca ŭ tym, što ŭ jaho niama siabroŭ. Varta pryznać, što Kitaj pradastaviŭ kredyt u $1 młrd juaniaŭ, a Iran — u 400 miljonaŭ dalaraŭ, ale hetaha niedastatkova. Choć Kreml mocna nie lubić Łukašenka, jon zacikaŭleny ŭ palityčnaj stabilnaści na svaich zadvorkach. Rasija patrabuje praviadzieńnia prykładna takich ža reformaŭ jak i MVF: płyvučaha abmiennaha kursu, libieralizacyi cenaŭ, bolš ćviordaj hrašova-kredytnaj palityki i, asabliva, istotnaj pryvatyzacyi, jakaja pojdzie na karyść pieradusim rasijskim pradpryjemstvam. U Łukašenki niama inšaha vyjścia, akramia jak pryniać umovy rasijskaha boku. Urad Rasii nieachvotna vyłučaje pa 1 młrd. u hod na praciahu troch hadoŭ ź Jeŭrazijskaha antykryzisnaha fondu, jaki hałoŭnym čynam, finansujecca Rasijaj, u abmien na devalvacyju i pryvatyzacyju pradpryjemstvaŭ na ahulnuju sumu $ 7,5 młrd. na praciahu troch hadoŭ. Ale

hetych sum dastatkova, kab pakryć tolki pałovu patreby Biełarusi ŭ finansavańni.

Tamu 24 maja Biełaruś devalvavała valutu na 36% (nasamreč — 54%. Zaŭv. Red.) , ale Łukašenka nie dazvoliŭ valucie płavać. U vyniku kraina apynułasia ŭ horšaj z usich mahčymych situacyj, jak i Saviecki Sajuz u 1991 hodzie, kali ŭ deficycie moža apynucca luby tavar. Biełarusy abnajavili svaje aščadžeńni, kab kupić lubyja dastupnyja tavary ci valutu. Svabodnyja ceny rastuć uharu, u toj čas jak u deficycie apynajucca tavary z rehujujemymi koštami, jakija biełarusy kuplajuć i vyvoziać na prodaž u susiednija krainy.

U vieraśni rubiel iznoŭ abiasceńvaŭsia. Bolš za toje, roznyja abmiennyja kursy adnosiacca da roznych apieracyj, a pradpryjemstvy na ŭsie žyły imknucca znajści novyja mahčymaści. Hrašova-kredytnaja palityka zastajecca nievyraznaj, što pryvodzić da hadavoj inflacyi ŭ 80% u vieraśni. Biełaruś apynułasia ŭ inflacyjnym cykle, jaki nahadvaje 1991 hod, kali pavaliłasia savieckaja ekanomika. Siaredniaja zarabotnaja płata ŭ pamiery $500 u miesiac zvaliłasia da $300 u miesiac. U kancy 2010 hoda sukupny vonkavy doŭh Biełarusi składaŭ 52% VUP, u situacyi, kali doŭh raście i VUP u dalaravym vyličeńni padaje, suadnosiny doŭha da VUP rezka ŭzrastaje.

Łukašenka vykazaŭ nadzieju, što MVF iznoŭ voźmie jaho na paruki.

misija MVF admoviła ź niečakana ćviordaj farmuloŭkaj, što «ŭłady buduć pavinny prademanstravać vyraznyja abaviazacielstvy, u tym liku i na samym vysokim uzroŭni, u pytańni stabilizacyi ekanomiki i praviadzieńnia reformaŭ».

Apošniaj nadziejaj na vyžyvańnie ŭ Łukašenki zastajecca prodaž «familnaha srebra»,

Da siońniašniaha dnia Łukašenka byŭ viadomy jak niepradkazalny, ale vielmi padkavany ŭ palitycy taktyk, ale jaho ekanamičnaja biezhaspadarlivaść urešcie daviała ekanomiku savieckaha tołku da žałasnaha stanu.

Defołt Biełarusi ŭjaŭlajecca niepaźbiežnym, i moža być spravakavany lubym nastupnym značnym pahašeńniem zapazyčanaści.

• 0
• 0
• 0
• 0
• 0
• 0
• 0
• 0