Bašar Asad pahražaje Zachadu «ziemlatrusam» i «dziasiatkam Afhanistanaŭ»
Pry hetym prezident Siryi pryznaŭ, što siryjskija siły biaśpieki «dapuścili šmat pamyłak» na pačatkovaj stadyi padziej.
Prezident Siryi Bašar Asad pryhraziŭ Zachadu «ziemlatrusam», u vypadku zamiežnaha ŭmiašańnia ŭ spravy jaho krainy, dzie ŭ časie padaŭleńnia antyŭradavych vystupaŭ za apošnija siem miesiacaŭ byli zabityja bolš za try tysiačy čałaviek.
Pa najaŭnych dadzienych, minułaja piatnica stała adnym z samych kryvavych dzion. U haradach Choms i Chama zahinuli 37 demanstrantaŭ. Jašče try apazicyjaniery zahinuli ŭ Chomsie ŭ subotu.
Hienieralny sakratar AAN i Liha arabskich dziaržaŭ dniami ŭ čarhovy raz zaklikali siryjskija ŭłady spynić represii.
«Siryja — epicentr [blizkaŭschodniaha] rehijona, — zajaviŭ Bašar Asad u intervju brytanskaj Sunday Telegraph. — Luboje abvastreńnie ŭ Siryi padpalić uvieś rehijon. Vy ryzykujecie vyklikać ziemlatrus. Žadajecie atrymać jašče adzin Afhanistan, abo dziasiatak Afhanistanaŭ?».
Prezident pryznaŭ, što siryjskija siły biaśpieki «dapuścili šmat pamyłak» na pačatkovaj stadyi padziej, ale ciapier, pavodle jaho słoŭ, mišeńniu źjaŭlajucca «tolki terarysty».
Siryjski lidar asabliva padkreśliŭ, što, u adroźnieńnie ad kiraŭnikoŭ, jakija raniej byli zrynutyja padčas «arabskaj viasny», jon paabiacaŭ reformy ŭžo praz šeść dzion paśla pačatku masavych vystupaŭ.
Asad apisaŭ padziei ŭ jaho krainie jak baraćbu pamiž isłamizmam i śvieckim panarabizmam.
«My zmahalisia z «bratami-musulmanami» z 1950-ch hadoŭ, i zmahajemsia ź imi ciapier», — zajaviŭ jon.
-
Tehieran paćvierdziŭ hibiel Ali Łarydžani. Ź jaho źniščeńniem ułada ŭ Iranie moža pierajści ad fanatykaŭ da prahmatykaŭ
-
«Finski palityk», jakoha štodnia cytujuć kramloŭskija i łukašysckija ŚMI, akazaŭsia santechnikam biez hramadzianstva Finlandyi
-
KVIR paćvierdziŭ hibiel kiraŭnika vajenizavanaha apałčeńnia «Basidž»
Kamientary