Pieršaje pytańnie ad žurnalistaŭ tyčyłasia viaskovaha dyrektara škoły ź Piermskaha kraju, jakija parušyŭ aŭtarskija pravy na Microsoft za nielicenzijavanuju versiju Windows.
Učora ŭ Maskvie prajšła tradycyjnaja štohadovaja pres‑kanferencyja prezydenta Rasiei. Svoj vystup Pucin pačaŭ z ahladu ekanamičnaha stanovišča Rasiei i vynikaŭ za 2006 h. Pucin pastaviŭ zadaču na sioleta – 4% inflacyi. Hałoŭnym ŭ raźvićci ekanomiki, na jahonuju dumku, jość toje, što rost abapiraŭsia nie na vonkavyja ekanamičnyja faktary, a na faktary «unutranaha paradku».
Pieršaje pytańnie ad žurnalistaŭ tyčyłasia viaskovaha dyrektara škoły ź Piermskaha kraju, jakija parušyŭ aŭtarskija pravy na Microsoft za nielicenzijavanuju versiju Windows. Pucin akazaŭsia «nia ŭ kursie hetaj spravy», ale paabiacaŭ abaraniać intelektualnyja pravy ŭ Rasiei.
Ci nie najvažniejšaj stała zajava pra toje, što Pucin nie rychtuje siabie pierajemnika. «Nijakich pierajemnikaŭ nia budzie, buduć kandydaty na pasadu prezydenta. Zadača ŭłady — zabiaśpiečyć demakratyčny sposab aśviatleńnia kampanii», —. Razam z tym jon padkreśliŭ, što, mahčyma, budzie vykazvać svaje asabistyja mierkavańni i sympatyi padčas prezydenckaj kampanii.
Pytańnie karupcyi ŭ Rasiei, pavodle Pucina, pavinna vyrašacca aśviatleńniem hetaha pytańnia ŭ ŚMI, raźvićciom hramadzianskaj supolnaści i svabody ŚMI.
Pucin adznačyŭ, što ŭ Rasiei jość prablemy ŭ dačynieńniach z Hruzijaj. Razam z tym jon zaznačyŭ, što ŭsio mieniej raznahałośsiaŭ stanovicca z Ukrainaj, jon skazaŭ, što nia suprać stvaryć z hetaj dziaržavaj hazavy kansorcyjum, a taksama, što idzie abmierkavańnie pytańnia stvareńnia hazavaha APIEK.
«Ź Biełaruśsiu my źbirajemsia nadalej budavać sajuznuju dziaržavu. My raźličvajem, što ŭ pytańni adzinaj valuty jašče nia ŭsio zhublena».
Što da hiej‑paradu ŭ Maskvie, to Pucin vykazaŭsia, što jaho bolš chvalujuć demahrafičnyja prablemy ŭ krainie, ale paabiacaŭ abaraniać lubyja pravy čałavieka. Taksama kiraŭnik Rasiei vykazaŭ upeŭnienaść, što Sočy z honaram mohuć pravieści zimovuju Alimpijadu‑2014.
Što datyčyć zabojstva žurnalistki Anny Palitkoŭskaj, to tut Pucin skazaŭ, što takaja prablema staić nia tolki pierad Rasiejaj, ale i šmat pierad jakimi jašče krainami. «Ja ŭspaminaju nia tolki Palitkoŭskuju – jana była dosyć vostrym krytykam ułady – i heta dobra». Taksama Pucin uzhadaŭ zabitaha redaktara «Forbsa» Poła Chlebnikava. Škodu Rasiei, pa słovach Pucina, najbolš prynosiać biehłyja aliharchi.
Ciapier čytajuć
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary