Štanhist Andrej Rybakoŭ uziaŭ małoje zołata na ČS u Paryžy

Biełarus Andrej Rybakoŭ uviečary 11 listapada zaniaŭ 7-je miesca ŭ dvuchborji i vyjhraŭ zołata ŭ pieršym praktykavańni — ryŭku — na čempijanacie śvietu pa ciažkaj atletycy, jaki prachodzić u Paryžy.

Vice-čempijon piekinskaj Alimpijady-2008 Andrej Rybakoŭ, jaki prapuściŭ try hady z-za traŭmy, byŭ zajaŭleny ŭ hrupu V, jakaja zaviaršaje vystupy raniej, čym na pamost vychodziać usie favaryty hrupy A. Biełarus pa sumie dvuch praktykavańniaŭ pakazaŭ vynik 368 kh (178 kh u ryŭku + 190 kh u šturšku). Pryčym jaho vynik u karonnym ruchu ryŭku (178 kh) tak i zastaŭsia niepieraŭzyjdzieny supiernikami, i Rybakovu dastałasia małaja załataja miedal. A voś u dvuchborji mahiloŭca zdoleli abyjści šiesť supiernikaŭ. Jašče adzin biełaruski spartsmien Vadzim Stralcoŭ zaniaŭ u dvuchborji 13-je miesca — 359 kh (163 196).

Čempijonam ža śvietu ŭ sumie dvuchborja staŭ 20-hadovy iraniec Kianuš Rastami

Usie hetyja vyniki značna sastupajuć sumie, nabranaj Andrejem Rybakovym na Hulniach-2008 u Piekinie, kali jon ustalavaŭ suśvietny rekord — 394 kh (185 +209). Sam Rybakoŭ niedabraŭ da hetaha pakazčyka 26 kh.

A voś pieramožca Alimpijady-2008 kitajec Jon Łu, jaki vyciahnuŭ ŭ Rybakova piekinskaje zołata tolki dziakujučy ledź mienšamu ŭłasnym vazie, na čempijanacie śvietu ŭ Paryžy i zusim nie zmoh kvalifikavacca ŭ sumie dvuchborja.

Pozna ŭviečary 11 listapada ŭstupili ŭ baraćbu taksama štanhisty ŭ vahavoj katehoryi da 94 kh, dzie Biełaruś pradstaŭlaŭ 21-hadovy Alaksandr Makaranka. Jon pakazaŭ vynik 378 kh (170 + 208) i zaniaŭ 4-je miesca ŭ hrupie V. Spabornictvy ž u najmacniejšaj hrupie, A projduć siońnia.

Siońnia taksama buduć vyznačany miedalisty i ŭ vahavoj katehoryi da 105 kh. Biełaruś tut pradstavić Michaił Aŭdziejeŭ.

Ŭznaharody čempijanatu śvietu ŭ katehoryi zvyš 105 kh buduć razyhrany 13 listapada. Biełaruś tut pradstaviać Jaŭhien Žarnasiek i Dźmitryj Vornik.

Čempijanat śvietu ŭ Paryžy źjaŭlajecca dla ciažkaatletaŭ druhim i zaklučnym etapam adboru na łondanskuju Alimpijadu-2012

U mužčynskaj družynie kadravaja situacyja pierad adkaznym turniram składanaja.

Admoviŭsia ad pajezdki ŭ stalicu Francyi paśla branchitu suśvietny rekardsmien i alimpijski čempijon-2008 Andrej Aramnaŭ

U mužčyn maksimalnaja kvota — šeść spartsmienaŭ — vyłučajecca dla krain, jakija zaniali 1-6-je miesca pa vynikach dvuch čempijanataŭ śvietu. Piać licenzij atrymlivajuć krainy, jakija zaniali 7-12-je miescy, čatyry licenzii vyłučajucca dla kamand, jakija apynulisia na 13-18-m miescach, try kvoty — dla zbornych, jakija zaniali 19-24-je miescy. Biełarusy zajmajuć tolki 15-je miesca paśla pieršaj pałovy adboru. Hetaja pazicyja dazvalaje raźličvać tolki na čatyry alimpijskija propuski.

• 0
• 0
• 0
• 0
• 0
• 0
• 0
• 0