Ustalavana taksama novaja pahadzinnaja płata za kožnuju poŭnuju abo niapoŭnuju chvilinu złučeńnia.
Abanienckaja płata ŭ miesiac za stacyjanarny telefon dla fizičnych asob z 15 listapada pavialičvajecca z 3 050 da 4 600 rubloŭ, abo na 50,8%. Heta praduhledžana pastanovaj Ministerstva ekanomiki Biełarusi ad 10 listapada 2011 № 184.
Hetym dakumientam taksama ŭstanoŭlena novaja pahadzinnaja płata za kožnuju poŭnuju abo niapoŭnuju chvilinu złučeńnia — 15 rubloŭ. Raniej taryf na adnu chvilinu składaŭ 10 rubloŭ. Pryčym pieršyja 60 chvilin, jak i raniej, dajucca abanientu biaspłatna, a ŭžo zvyš hetaj normy ustaloŭvajecca pahadzinnaja apłata.
Akramia taho, płata za telefon, jaki nie pieraviedzieny na pahadzinnuju sistemu apłaty, taksama pavysiłasia i skłała 6 600.
Dla jurydyčnych asob abanienckaja płata pavialičvajecca z 4 600 da 7 500 rubloŭ. Košt adnoj chviliny razmovy dla arhanizacyj składzie 30 rubloŭ.
Kamientujučy pastanovu, u Ministerstvie ekanomiki adznačyli, što pavieličeńnie taryfaŭ na pasłuhi elektrasuviazi pryniata ŭ metach skaračeńnia strat na hetyja pasłuhi.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary