U noč na 14 listapada nieviadomyja pabili vokny ŭ budynku babrujskaj sinahohi, jakaja znachodzicca na vulicy Sacyjalistyčnaj. Jaje aharodžu 11 listapada złamyśniki raśpisali nacysckimi zaklikami i svastykaj.
Napad na budynak vierniki nazyvajuć chulihanskaj dy varvarskaj vychadkaj.
«Zroblenyja nadpisy źnievažajuć hodnaść čałavieka. Napisali „Śmierć žydam“, namalavali fašysckuju svastyku i raźbili vokny. Mnie skazali, što heta było prykładna ŭ dźvie hadziny nočy. Duža vialikija materyjalnyja straty. Pabili čatyry vialikija šyby. Novyja plastykavyja vokny my stavili. Duža kryŭdna za pavodziny ludziej. My vyklikali ŭčastkovaha, jon skłaŭ pratakoł pa fakcie nadpisaŭ. Ciapier ja pišu zajavu na fakt raźbitych voknaŭ», — paviedamiła sakratarka sinahohi Maja Savaciejeva.
Pavodle spadaryni Savaciejevaj, rehularna naviedvajuć sinahohu kala piacidziesiaci viernikaŭ — pieravažna heta ludzi stałaha vieku. Pakryćcio vydatkaŭ na ramont laža na plečy hetych ludziej.
Kamientary