Nacbank prahnazuje spynieńnie rostu inflacyi. Heta pytańnie abmiarkoŭvałasia 14 listapada ŭ čas rabočaj sustrečy Alaksandra Łukašenki sa staršynioj praŭleńnia Nacyjanalnaha banka Nadziejaj Jermakovaj.
«Mianie siońnia cikavić nie tolki pytańnie stratehičnaje, hłabalnaje. Viedaju, što na valutnym rynku situacyja ŭ nas składvajecca narmalna. Chacieŭ by pačuć vaš punkt hledžańnia ŭ płanie inflacyjnych pracesaŭ i situacyi ŭ suviazi z hetym na spažyvieckim rynku», — adznačyŭ Alaksandr Łukašenka.
Jon taksama paprasiŭ Nadzieju Jermakovu pradstavić svaju acenku situacyi ŭ bankaŭskaj śfiery ŭ cełym i sistemie kamiercyjnych bankaŭ. «Jak siońnia našy banki raźvivajucca, jakoje ich stanovišča? — pacikaviŭsia Łukašenka. —
Bo ja baču, što ŭ suviazi z peŭnaj palitykaj Zachadu robiacca asobnyja sproby cisku i na našy banki šlacham roznych rejtynhaŭ i tamu padobnaha.My heta pavinny mieć na ŭvazie, i my pavinny zrabić usio, kab padtrymać našy banki, kamiercyjnyja banki, jakija finansujuć prahramy, kredytujuć našy pradpryjemstvy».
Łukašenka taksama pacikaviŭsia tym, jakija ŭźnikajuć prablemy ŭ suviazi z vychadam na adziny kurs.
«Što tyčycca inflacyi, to i źmianieńnie kursa akazała svoj upłyŭ na hety praces. Naturalna, šerah inšych momantaŭ, jakija skłalisia ŭ ekanomicy ŭ suviazi ź niedachopam zołatavalutnych resursaŭ, ažyjatažnaha popytu na valutu i tavary. Usio heta, viadoma, pryviało da inflacyi.
Siońnia kurs spyniŭsia na adnym uzroŭni. Naša bačańnie, što ŭ bližejšy čas rezkich vahańniaŭ kursa nie budzie», —adznačyła kiraŭnica Nacbanka.
Rostu inflacyi ŭ peŭnaj miery spryjała taksama zakładańnie ŭ ceny na tavary zavyšanaha kursa. Svajo ŭździejańnie akazała i rehulavańnie cenaŭ u ramkach adzinaj mytnaj prastory, rost koštu enierharesursaŭ.
«Kali siońnia ničoha nie źmienicca, akramia taho, što pavinny jašče pa kamunalnych płaciažach krychu padkarektavać ceny, to, napeŭna, pavinien spynicca rost inflacyi. I toje, što raźličyli na nastupny hod 19%, napeŭna, heta realna, kali my budziem efiektyŭna pracavać i nie budziem raździmać hrašovuju masu, kab nie stvarać dadatkovy cisk na biržu»,— miarkuje Nadzieja Jermakova.
Asnoŭnaje patrabavańnie Łukašenki zaklučajecca ŭ tym, kab ekanomika pracavała efiektyŭna, a prymajucca miery ŭ śfiery
«Biez kredytaŭ my nie abydziemsia pakul.Usio heta patrabujecca, ale ŭ razumnych miežach, kab nie paŭpłyvała na raschodavańnie zołatavalutnych reziervaŭ i nie paŭpłyvała dadatkova na inflacyju. Heta značyć dadatkovaj emisii nie pavinna być», — ličyć Nadzieja Jermakova.
U cełym jana stanoŭča acaniła situacyju na valutnym rynku. «Nasielnictva zrazumieła, što ŭ abmieńnikach valuta budzie. Z 14 vieraśnia na čystaj asnovie nasielnictva pradało bankam užo $460 młn. Z hetaj nabytaj valuty banki pradali bolš čym $350 młn. na biržy. Heta śviedčyć ab tym, što nasielnictva supakoiłasia i niejkich ruchaŭ u adzin ci inšy bok niama, — skazała Nadzieja Jermakova. — Tak, źmianiŭsia kurs. Siońnia jon trymajecca na ŭzroŭni Br 8,6–8,7 tys.».
Situacyja na kredytnym rynku taksama składvajecca narmalna.
«My ściskajem hrašovuju masu.Pavyšana staŭka refinansavańnia. Naturalna, ŭzraśli staŭki pa kredytach dla pradpryjemstvaŭ. Heta robicca z metaj skaracić abjom hrašovaj masy, kab pradpryjemstvy bolš efiektyŭna vykarystali svaje ŭłasnyja srodki. Heta manietarnyja pryłady dla taho, kab strymlivać inflacyju, — adznačyła kiraŭnik Nacbanka. — Da taho ž pavyšeńnie staŭki refinansavańnia pryviało da taho, što banki pavialičyli staŭki pa ŭkładach nasielnictva. Heta značyć stanovicca bolš vyhadna trymać srodki va ŭkładach».
Paśla papaŭnieńnia adtoku srodkaŭ va ŭkładach u biełaruskich rublach, jaki byŭ u pačatku hoda, na siońniašni dzień pryrost składaje Br1 trłn 158 młrd. Adznačajecca i pastupovy prytok valutnych układaŭ.
Što tyčycca kursaŭtvareńnia, to časam Nacbanku davodzicca vychodzić ź interviencyjami. Pačynajučy z 20 kastryčnika abjom čystych interviencyj skłaŭ $23 młn.
«U adzin dzień pradajem, u druhoj — skuplajem, dla taho kab nie było rezkich skokaŭ kursu», — rastłumačyła kiraŭnik Nacbanka.
U situacyi na valutnym rynku adznačajecca i šerah inšych stanoŭčych faktaraŭ. Tak, paśla ŭviadzieńnia adzinaj siesii prykładna na 25% pavialičyŭsia abjom abaviazkovaha prodažu valuty eksparciorami, pastupova skaračajecca debitorskaja zapazyčanaść.
U cełym Alaksandr Łukašenka ŭchvaliŭ palityku, jakuju pravodzić Nacyjanalny bank, i pastaviŭ zadaču pa dalejšaj realizacyi mier, nakiravanych na efiektyŭnuju rabotu ekanomiki.
Kamientary