Ministerstva justycyi Biełarusi vyniesła aficyjnaje papiaredžańnie trom apazycyjnym partyjam za toje, što jany praviali ŭstanoŭčy schod Sajuzu levych partyj pa?za miežami Biełarusi — va ŭkrainskim Čarnihavie. Ale na radzimie dla ich pamiaškańnia nie znajšłosia.
Ministerstva justycyi Biełarusi vyniesła aficyjnaje papiaredžańnie trom apazycyjnym partyjam, jakija ŭ śniežni praviali ŭstanoŭčy schod Sajuzu levych partyj. Partyja kamunistaŭ Biełaruskaja, Biełaruskaja partyja žančyn «Nadzieja» i Biełaruskaja sacyjał-demakratyčnaja partyja «Hramada» praviali ŭstanoŭčy schod pa-za miežami Biełarusi – va ŭkrainskim Čarnihavie. Ministerstva justycyi ŭ papiaredžańni zaznačaje, što, «zhodna z zakanadaŭstvam, dziejnaść palityčnych partyjaŭ pavinna prachodzić na terytoryi Respubliki Biełaruś.»
Valery Ŭchnaloŭ z Partyi kamunistaŭ Biełaruskaj zaznačaje, što takoha zapisu ŭ zakanadaŭstvie niama, a heta čarhovy sposab cisku na apazycyjnyja partyi.
V. Uchnaloŭ: Paśla schodu ŭsie nieabchodnyja dakumenty byli padadzienyja ŭ Ministerstva justycyi, kab zarehistravać hety sajuz. Prajšoŭ miesiac, Ministerstva zapatrabavała dadatkovyja dakumenty, my ich pradstavili. A ciapier jany vyrašyli, što praviadzieńnie mierapryjemstva pa-za miežami Respubliki Biełaruś źjaŭlajecca pravaparušeńniem. Dla hetaha niama nijakich padstavaŭ.
Pierad schodam my dakładna vyvučyli ŭsie nieabchodnyja dakumenty. Naładzili sustreču va Ŭkrainie, bo ŭ Miensku nam nie pradstavili nivodnaha pamiaškańnia. U zakonie ab dziejnaści palityčnych partyjaŭ niama ni słova pra zabaronu praviadzieńnia mierapryjemstvaŭ za miažoj. Heta čarhovaja sproba cisku na partyi. Valery Ŭchnaloŭ dadaŭ, što hetaje papiaredžańnie faktyčna aznačaje, što kamunistyčnyja partyi nia zmohuć pravieści nivodnaj sustrečy pa?za miežami Biełarusi, pakolki heta budzie druhoje parušeńnie takoha ž samaha typu. U vyniku dziejnaść partyjaŭ moža być spynienaja.
Ciapier čytajuć
Babaryka: Kali b my pieramahli — vajny va Ukrainie nie było b34
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary