Міністэрства юстыцыі Беларусі вынесла афіцыйнае папярэджаньне тром апазыцыйным партыям за тое, што яны правялі ўстаноўчы сход Саюзу левых партый па?за межамі Беларусі — ва ўкраінскім Чарнігаве. Але на радзіме для іх памяшканьня не знайшлося.
Міністэрства юстыцыі Беларусі вынесла афіцыйнае папярэджаньне тром апазыцыйным партыям, якія ў сьнежні правялі ўстаноўчы сход Саюзу левых партый. Партыя камуністаў Беларуская, Беларуская партыя жанчын «Надзея» і Беларуская сацыял-дэмакратычная партыя «Грамада» правялі ўстаноўчы сход па-за межамі Беларусі – ва ўкраінскім Чарнігаве. Міністэрства юстыцыі ў папярэджаньні зазначае, што, «згодна з заканадаўствам, дзейнасьць палітычных партыяў павінна праходзіць на тэрыторыі Рэспублікі Беларусь.»
Валеры Ўхналёў з Партыі камуністаў Беларускай зазначае, што такога запісу ў заканадаўстве няма, а гэта чарговы спосаб ціску на апазыцыйныя партыі.
В. Ухналёў: Пасьля сходу ўсе неабходныя дакумэнты былі пададзеныя ў Міністэрства юстыцыі, каб зарэгістраваць гэты саюз. Прайшоў месяц, Міністэрства запатрабавала дадатковыя дакумэнты, мы іх прадставілі. А цяпер яны вырашылі, што правядзеньне мерапрыемства па-за межамі Рэспублікі Беларусь зьяўляецца правапарушэньнем. Для гэтага няма ніякіх падставаў.
Перад сходам мы дакладна вывучылі ўсе неабходныя дакумэнты. Наладзілі сустрэчу ва Ўкраіне, бо ў Менску нам не прадставілі ніводнага памяшканьня. У законе аб дзейнасьці палітычных партыяў няма ні слова пра забарону правядзеньня мерапрыемстваў за мяжой. Гэта чарговая спроба ціску на партыі. Валеры Ўхналёў дадаў, што гэтае папярэджаньне фактычна азначае, што камуністычныя партыі ня змогуць правесьці ніводнай сустрэчы па?за межамі Беларусі, паколькі гэта будзе другое парушэньне такога ж самага тыпу. У выніку дзейнасьць партыяў можа быць спыненая.
-
Пад Мінскам адкрылі завод, дзе робаты выпускаюць духавыя шафы
-
«Часта на «хіміі» складана рабіць самыя простыя рэчы». Ціханоўская выказала спачуванні з прычыны смерці Алены Панковай
-
Беларуска, якая вырабляе брошкі ў выглядзе дзяўчат з чырвона-зялёнымі какошнікамі, шчыра не разумее, чаму яе крытыкуюць
Цяпер чытаюць
Ананімы — гісторыі беларусаў, якім прыходзіцца шыфравацца, бо рэжым лічыць іх дзейнасць «крыміналам»8
Каментары