Kaciaryna Statkievič apošnim časam nie atrymlivaje listoŭ ad baćki – Mikałaja Statkieviča, i nie viedaje, ci dachodziać da jaho ŭ kałoniju jaje listy.
- Apošnim časam nijakich navinaŭ ja nie atrymlivała. Jon nie telefanavaŭ, i ja nie viedaju, ci dachodziać maje listy, i ad jaho listoŭ niama.
Losam eks-kandydata ŭ prezidenty Mikałaja Statkieviča, pavodle jaho dački Kaciaryny, zacikaviŭsia niamiecki prafsajuz rabotnikaŭ industryi – samy bujnaja prafsajuznaja arhanizacyja ŭ Niamieččynie i śviecie:
- Jość taki niamiecki prafsajuz IGM (IG Metall / Industriegewerkschaft Metall) – heta samy vialiki prafsajuz u śviecie. Jany zacikavilisia hetaj tematykaj. Zaraz nadrukavali ŭ svajoj haziecie intervju sa mnoj na temu majho baćki. I my zaraz ź imi ŭ kantakcie. Lubaja padtrymka, lubaja reakcyja – jana pa-svojmu dapamahaje. Ale nakolki heta zaraz dapamoža vyciahnuć baćku z turmy - składana skazać.
Mikałaj Statkievič asudžany na šeść hadoŭ źniavoleńnia, jakoje adbyvaje ŭ Škłoŭskaj kałonii. Pakarańnie źviazanaje ź mirnaj akcyjaj pratestu suprać falsifikacyi prezidenckich vybaraŭ, jakaja prajšła 19-ha śniežnia 2010 hoda.
Kali Kanapackaja stała całkam padkantrolnaja Łukašenku?16
Kamientary