Rost zarobkaŭ u finansavaj śfiery Biełarusi adnaviŭsia, u budaŭnictvie — abvał dachodaŭ

Vyniki adnosna žorstkaj hrašova-kredytnaj palityki, jakaja pravodzicca ŭradam i Nacbankam Biełarusi dajuć usio bolš prykmietny efiekt:

U naminalnym vyražeńni rost skłaŭ usiaho 2,6% pry inflacyi 8,2%.

U realnym vyražeńni zarpłata ŭ kastryčniku 2011 hoda skłała ŭsiaho 90,5% ad zarpłaty ŭ kastryčniku 2010 hoda.

Ale pry hetym roznyja haliny ekanomiki zakranuła spadam zarobkaŭ u roznaj stupieni. Sapraŭdnaja katastrofa spaścihła budaŭnictva, dzie siaredniaja zarpłata ŭ kastryčniku skłała 2,474 młn — usiaho 73,3% ad realnaj zarpłaty ŭ kastryčniku 2010 hoda.

Heta značyć, za hod zarpłata budaŭnikoŭ upała ŭ realnym vyražeńni amal na čverć, ledź nie da siaredniaha ŭzroŭniu pa krainie.

Praŭda, u kastryčniku 2011 hoda ŭ paraŭnańni ź vieraśniem zarpłata ŭ budaŭnictvie vyrasła na 3,9%, što nie našmat pieravyšaje siarednija tempy rostu, ale ŭsio roŭna istotna nižejšaje za tempy inflacyi.

Nižejšym za tempy rostu cenaŭ u kastryčniku stała navat pavieličeńnie zarabotnaj płaty ŭ śfiery, źviazanaj z vyličalnaj technikaj, dzie zarpłata padniałasia na 6,3% da 7,243 młn. Ale dadzienaja halina ŭsio roŭna zastałasia lidaram pa ŭzroŭni zarabotnaj płaty, jakaja pavialičyłasia ŭ paraŭnańni z kastryčnikam 2010 hoda navat u realnym vyražeńni, pryčym davoli istotna, na 39,9%. Tempy rostu taksama rekordnyja.

U śfiery vytvorčaści koksu, naftapraduktaŭ i jadziernych materyjałaŭ, heta značyć na NPZ, zarpłata ŭ kastryčniku pavialičyłasia, našmat — na 17,5% — apiaredziŭšy inflacyju, da 5,978 młn.

U kastryčniku 2011 hoda, paśla niekatoraha źnižeńnia ŭ vieraśni, adnaviŭsia rost zarabotnych płat u finansavaj śfiery. U bankach (u śfiery finansavaha pasiarednictva) zarobak vyras na 8,2% — da 3,718 młn, a ŭ strachavańni — na 9,8% — da 2,841 młn. Heta značyć, finansisty kampiensavali inflacyju za kastryčnik. Adnak ad ŭzroŭniu kastryčnika 2010 zarpłata ŭ dadzienych śfierach adstaje ŭ realnym vyražeńni na 10,5% i 7,6% adpaviedna.

Paśla značnaha ŭzdymu ŭ vieraśni ŭ kastryčniku źmienšyŭsia zarobak u adukacyi (na 4,3% da 1,862 młn), a taksama ŭ achovie zdaroŭja i śfiery sacyjalnych pasłuh (na 5,2% — da 1,942 młn). Z ulikam značnaha rostu cen u kastryčniku heta vielmi niepryjemna, adnak u realnym vyražeńni zarpłata zastałasia krychu vyšejšaj za ŭzrovień kastryčnika 2011.

Davoli značna — na 6,2% — u kastryčniku vyrasła zarpłata ŭ sielskaj haspadarcy, palavańni i lasnoj haspadarcy, dasiahnuŭšy 1,634 młn. Adnak u realnym vyražeńni ad uzroŭniu zarpłaty za kastryčnik 2010 hoda jana skłała 95,2%.

• 0
• 0
• 0
• 0
• 0
• 0
• 0
• 0