U Nacyjanalnaj biblijatecy adkryli punkt kalektyŭnaha karystańnia tualetnaj papieraj + fota
Nou-chau biełaruskaj ekanomiki — adzin rułon na ŭsie kabinki.
Nacyjanalnuju biblijateku dziaržaŭnaja prapahanda nazyvaje tvaram Minska. Tudy vodziać ekskursii z usioj Biełarusi, pravodziać mižnarodnyja forumy i sieminary, absłuhoŭvajuć zamiežnyja delehacyi. Heta nie prosta budynak, heta dokaz prahresiŭnaści łukašenkaŭskaj madeli i jaje pośpiechaŭ. Pra jaje vartaści i chiby było skazana i napisana stolki, što pra heta možna składać knihi, ale čarhovaje novaŭviadzieńnie śmiašyć da kolikaŭ.
U prybiralni biblijateki visić vialiki žoŭty ŭkazalnik «Tualetnaja bumaha» sa strełačkaj, jakaja pakazvaje na aparat, adkul zvyčajna biaruć papieru, kab vycierci ruki.
A voś u kabinkach papiery niama!Ni ŭ adnoj ź dziasiatka. Aparat (taki samy, nibyta z papiarovami ručnikami) u kožnaj ź ich visić — ale pusty.
Atrymlivajecca, zhodna z łohikaj administracyi, naviedvalnik musić zajści ŭ prybiralniu i ŭziać sabie papiery pa patrebach. Kali raptam nie chopić —
sa spuščanymi štanami prabiehčysia da aparata znoŭ i atrymać novuju porcyju.Voś takaja ekanomija ŭ zamožnaj Biełarusi.
Paradavaŭšysia vynachodnictvu, chočacca paraić administracyi biblijateki ŭvieści normu tualetnaj papiery na čałavieka ŭ miesiac. Naprykład,
pieršyja čatyry razy jon atrymaje papieru biaspłatna, u nastupnyja razy — pa «ekanamična abhruntavanych cenach».
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju26
Kamientary