Łukašenka: Ja prymu rašeńnie pa Kanavałavu i Kavalovu ŭ najbližejšy čas
Alaksandr Łukašenka abiacaje ŭ bližejšy čas pryniać rašeńnie pa pytańni mahčymaha pamiłavańnia asudžanych za ŭčynieńnie teraktu ŭ minskim mietro Dźmitryja Kanavałava i Uładzisłava Kavalova. Ab hetym jon zajaviŭ 2 śniežnia padčas pajezdki pa Ivacevickim rajonie, adkazvajučy na pytańni žurnalistaŭ.
«U bližejšy čas mnie pryjdziecca prymać hetaje rašeńnie. Ale ja ŭžo pra heta dumaŭ paśla vyniasieńnia prysudu, i ja čamuści nie sumniavaŭsia, što sud pryjdzie da takoha mierkavańnia», — cytuje Łukašenku dziaržaŭnaje infarmacyjnaje ahienctva BiełTA.
Pa jaho słovach, toje, što adbyłosia, heta,
Ź inšaha boku, praciahnuŭ jon, jość baćki asudžanych, častka hramadstva, jakaja ŭstała na abaronu. «I voś pačynaješ usio heta ŭzvažvać. Ja prymu rašeńnie ŭ bližejšy čas i abaviazkova vas painfarmuju, — skazaŭ Łukašenka, źviartajučysia da pradstaŭnikoŭ ŚMI. — Choć heta ciažkaje dla mianie rašeńnie pa hetym dvum, nie viedaju, ludźmi mnie ich nazvać ci jak. Ale vami nie zabyta toje, što było, a mnoju tym bolš. Heta byŭ vielmi mocny ŭdar pa našamu hramadstvu. I toje, što sud pryniaŭ takoje rašeńnie, mnie jaho niama ŭ čym papraknuć. Ciapier słova za prezidentam».
«Ja pavinien padpisać ukaz i paćvierdzić rašeńnie suda, abo ža, kali źviarnulisia za pamiłavańniem, ja pavinien razhledzieć hetyja dakumienty. Heta samaje ciažkaje, što moža być u pracy prezidenta», — skazaŭ Łukašenka.
Ciapier čytajuć
Prosty biełarus ździviŭ ludziej, kali ŭ Hiermanii pryznavaŭsia ŭ lubovi da Łukašenki. Ale akazałasia, što jon niaprosty20
Kamientary