Mienavita jon — pratestoviec — najmacniej paŭpłyvaŭ na raźvićcio śvietu, ličyć redakcyja časopisa.
Amierykanski časopis Time 14 śniežnia nazvaŭ «čałavieka hodu» pavodle ŭłasnaj viersii. Redakcyja vydańnia vyrašyła, što
ŭ 2011 hodzie takim čałaviekam pavinien stać abahulnieny «Pratestoviec» (The Protester), pakolki ŭ adychodziačym hodzie mienavita jon — niezadavoleny uładaj čałaviek — najmacniej paŭpłyvaŭ na raźvićcio śvietu, paviedamlaje afn.by.
U suviazi z hetym vydańnie asabliva padkreślivaje rolu Muchamieda Buazizi — raniej nikomu nie viadomaha handlara harodninaj ź nievialikaha horada ŭ Tunisie, z samaspaleńnia jakoha pačalisia chvalavańni ŭ hetaj krainie. U vyniku Tunis staŭ pieršaj arabskaj krainaj, što pazbyłasia dyktatara, jaki dziesiacihodździami kiravaŭ narodam.
U dalejšym takija ž —
nikomu nie viadomyja — ludzi damahlisia źviaržeńnia dyktataraŭ u Jehipcie, Livii i Jemienie, praciahvajuć baraćbu suprać ich u Siryi, Bachrejnie i inšych krainach.
2011 hod adznačyŭsia masavymi pratestami i ŭ Biełarusi.
Padziei Płoščy 19 śniežnia 2010 stali katalizataram dla «maŭklivych sieradaŭ»,«stop-bienzinaŭ» , łancuhoŭ nieabyjakavych ludziej i inšych akcyj, u jakich uziali ŭdzieł tysiačy biełarusaŭ pa ŭsioj krainie.
Kamientary