U paniadziełak u Mienskim abłasnym sudzie razhladałasia sprava nastaŭnicy i demakratyčnaj aktyvistki Iny Kiebikavaj.
Kalehija Mienskaha abłasnoha suda razhladała kasacyjnuju skarhu kiraŭnika Kleckaha rajonnaha adździełu adukacyi Anatola Klimoviča, jakoha nie zadavoliła rašeńnie Kleckaha suda pra adnaŭleńnie na pracy zvolnienaj niby za prahuły ŭ 2006 h. nastaŭnicy i demakratyčnaj aktyvistki Iny Kiebikavaj.
Rajonny sud paličyŭ pakarańnie praźmierna žorstkim. Zryvu zaniatkaŭ pa vinie maładoj nastaŭnicy nie adbyłosia — propusk prypaŭ na čas školnych vakacyj. Aproč taho, vyjavilisia pracedurnyja parušeńni — zhody na zvalnieńnie nie davaŭ miascovy prafkam, jak taho patrabuje kalektyŭnaja damova.
Kiebikava paviedamiła, što prahuł ździejśniła vymušana, bo pavinna była razhružać pryviezienyja drovy.
Klimovič, jaki pradstaŭlaŭ intaresy rajana nijakich novych dovadaŭ na karyść svajoj pazycyi abłasnomu sudu nie padaŭ. Tolki dadaŭ, što Kiebikava nie źjaŭlajecca siabram prafsajuzu. Taksama vyśviatliłasia, što z zarobku Kiebikavaj spraŭna vyličali prafsajuznyja składki.
Mienski abłasny sud pakinuŭ rašeńnie Kleckaha rajonnaha suda biaz źmienaŭ i abaviazaŭ Klecki RAA spłacić ŭsie sudovyja pošliny, i kampensacyi Kiebikavaj za vymušanyja prahuły.
Fota Arcioma Lavy
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary