Siońnia Iryna Chalip naviedali kałoniju
Pieradaču ŭ kałonii pryniali, adnak u spatkańni z palitviaźniem admovili.
«Ja sustrełasia z načalnikam kałonii Vitalom Ahnistykavym.
Jon znoŭ zajaviŭ, što idzie niejkaja pravierka pa fakcie nibyta zajavy Andreja, što ŭ turmie jaho žyćciu pahražaje niebiaśpieka. Ahnistykaŭ usio biare na siabie, kaža, što heta jaho asabistaje rašeńnie — nie puskać da Andreja advakataŭ i svajakoŭ.
Ja ŭžo vyvučyła na pamiać praviły rasparadku papraŭčych ustanoŭ.
Nijakaja pravierka nie moža pazbaŭlać čałavieka jurydyčnaj dapamohi.I, kali ŭ źniavolenaha nie było parušeńniaŭ režymu, nie moža być admovy ŭ spatkańni z svajakami. Adnak Ahnistykaŭ zajaviŭ, što Sańnikavu «niemetazhodna ciapier kantaktavać z vonkavym śvietam».
Načalnik kałonii zanadta šmat na siabie biare. Vidavočna, što heta nie jaho asabistaje rašeńnie. Heta pieravyšeńnie słužbovych paŭnamoctvaŭ — toj samy artykuł, pa jakim užo siadzić namieśnik načalnika HUUS Minharvykankama Połudzień. Niesumnienna, Ahnistykaŭ vykonvaje zahad vyšejstajačych orhanaŭ, pryčym vidavočna nie Departamienta vykanańnia pakarańniaŭ.
Pieradaču ŭ mianie ŭziali, ale heta nie źjaŭlajecca dokazam taho, što moj muž žyvy i što jon u paradku… «, — zajaviła Iryna Chalip.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary