Novaja pramysłovaja revalucyja ŭ Eŭraźviazie

Enerhietyčnaja palityka EZ moža stać pačatkam novaj pramysłovaj revalucyi, ličyć kamisar Pibałhs

Sposabam vyrašeńnia ciapierašnich prablemaŭ, što ŭźnikajuć pierad eŭrapiejskaj enerhietyčnaj palitykaj, byŭ pryśviečany dakład Eŭrapiejskaha Kamisara pa enerhietyčnych pytańniach Andrysa Pibałhsa, ahučany 7 lutaha na bruselskim seminary «Enerhietyčnyja vykliki Eŭropy».

Pa słovach Kamisara, pry zachavańni ciapierašnich tendencyjaŭ da 2030 h. suśvietny ŭzrovień spažyvańnia enerhii pavialičycca na 50%. Uzrovień vykidaŭ CO 2 pavysicca na 55%, a 65% enerhietyčnaha popytu EZ budzie zabiaśpiečvacca za košt impartu.

«Patencyjnyja nastupstvy hetych tendencyjaŭ dla našaj ekanomiki surjoznyja», — adznačyŭ Kamisar. Nieabchodnaść nieadkładnych dziejańniaŭ «źjaŭlajecca maralnym i ekanamičnym abaviazkam, a nie adnoj z mahčymych alternatyvaŭ».

Značnaja ŭvaha Kamisara była pryśviečanaja Intehravanamu pakietu dziejańniaŭ, nakiravanych na refarmavańnie enerhietyčnaha sektara EZ. Pakiet, apublikavany Kamisijaj 10 studzienia, praduhledžvaje:

A) refarmavańnie ŭnutranaha enerhietyčnaha rynka EZ, jaki, na dumku Kamisii, pavinien stać mieńš frahmentavanym i hruntavacca na pryncypach svabodnaj kankurencyi;

B) umacavańnie salidarnaści dziaržavaŭ‑členaŭ EZ pry vyrašeńni prablemaŭ impartu enerhanośbitaŭ u Eŭropu;

V) pavyšeńnie ŭzroŭniu enerhaefektyŭnaści ekanomiki EZ, u pryvatnaści vykanańnie Plana dziejańniaŭ, zhodna ź jakim da 2020 h. uzrovień spažyvańnia enerhii ŭ EZ pavinien skaracicca na 13%;

H) pavyšeńnie doli ŭznaŭlalnych krynicaŭ enerhii (u 2020 h. ich dola ŭ struktury enerhietyki EZ pavinna składać 20%);

D) stymulavańnie navukovych daśledvańniaŭ u sfery čystaj enerhietyki;

Je) maštabnaje skaračeńnie vykidaŭ SO 2 u paliŭnaj enerhietycy, u pryvatnaści ukaranieńnie technalohijaŭ pahłynańnia i zachoŭvańnia CO 2 na eŭrapiejskich CEC;

Ž) zbalansavanaje raźvićcio jadziernaj enerhietyki, pry jakim skaračeńnie doli jadziernaj enerhietyki ŭ asobnych dziaržavach EZ pavinna kampensavacca ekvivalentnym raźvićciom inšych technalohijaŭ ź nizkim uzroŭniem vykidaŭ SO 2 .

Miery, prapanavanyja Kamisijaj, nakiravanyja na dasiahnieńnie klučavoj mety: da 2020 h. eŭrapiejski ŭzrovień vykidaŭ parnikovych hazaŭ pavinien źnizicca na 20% u paraŭnańni z 1990 h. Zhodna z doŭhaterminovymi planami Kamisii, da 2050 h. jon pavinien skaracicca na 60‑80% adnosna pakazčykaŭ 1990 h.

Prapanavanyja miery aznačajuć «pastupovaje pieraŭtvareńnie Eŭropy ŭ ekanomiku z vysokim uzroŭniem enerhaefektyŭnaści i nizkim uzroŭniem vykidaŭ SO 2» — ličyć Andrys Pibałhs.

Na dumku Kamisara, padobnaja palityka moža aznačać pačatak «novaj pramysłovaj revalucyi». Bolš padrabiazna

• 0
• 0
• 0
• 0
• 0
• 0
• 0
• 0