U navahodniuju noč va ŭsich rajonach Minska projduć śviatočnyja prahramy

U noč z 31 śniežnia na 1 studzienia va ŭsich rajonach Minska projduć śviatočnyja prahramy, paviedamili ŭ pres-słužbie Minharvykankama.

Ahulnaharadski navahodni pakaz «Karnavalnaja noč» adbudziecca kala Nacyjanalnaj biblijateki (z 21.00 31 śniežnia da 4.00 1 studzienia).

Navahodni fiejervierk projdzie na tradycyjnym miescy — kala steły «Minsk — horad-hieroj», pačniecca 1 studzienia ŭ 1.30.

U Zavodskim rajonie navahodnija masavyja hulańni adbuducca z 1.00 da 4.00 na placoŭcy pierad univiersamam «Zavodski» (vuł. Nieścierava, 58), na płoščy pierad rajonnym Pałacam moładzi i školnikaŭ (vuł. Bačyły, 1), na placoŭcy pierad kinateatram «Družba» (vuł. Taškienckaja, 9) i ŭ pasiołku Sosny (vuł. Krasina, 25).

U Leninskim rajonie z 1.00 da 3.30 hulańni buduć prachodzić na płoščy kala kinateatra «Salut» (pr. Rakasoŭskaha, 150a), a śviatočnaja dyskateka ŭ mikrarajonie Łošyca (vuł. Łučyny, 40).

U Maskoŭskim rajonie śviatočnyja mierapryjemstvy adbuducca z 1.00 da 4.00 u skviery pa praśpiekcie Haziety «Pravda» i viečaram 1 studzienia z 18.00 da 20.00 na toj ža placoŭcy.

U Kastryčnickim rajonie masavyja hulańni projduć z 1.00 da 4.30 na płoščy kala Pałaca kultury i sportu čyhunačnikaŭ (vuł. Čkałava, 7), u parku Kurasoŭščyna, u pasiołku Sokał kala handlovaha kompleksu (vuł. Baramzinoj, 10a).

U Partyzanskim rajonie navahodnija mierapryjemstvy buduć prachodzić z 0.30 da 4.00 na placoŭcy kala łyžarolernaj trasy (vuł. Staletava, 1), na placoŭcy kadia zavodaŭpraŭleńnia MTZ (vuł. Dałhabrodskaja, 29).

U Pieršamajskim rajonie hulańni buduć doŭžycca z 23.00 da 3.00 na placoŭcy kala mahazina «Hastavary» (vuł. Rusijanava,1), z 1.00 da 4.00 — na vuł. Fohiela, 1. Dniom 1 studzienia — z 13.00 na placoŭcy kala Nacyjanalnaj biblijateki.

U Savieckim rajonie śviatočnyja mierapryjemstvy adbuducca z 0.30 da 4.00 na placoŭcy pierad univiersamam «Rodnaja staronka» (vuł. Mirašničenki, 3), na stadyjonie SŠ № 53 (vuł. Biady, 9), na płoščy pierad Kamaroŭskim rynkam (vuł. Charužaj, 8).

U Frunzienskim rajonie masavyja navahodnija hulańni buduć doŭžycca z 1.00 da 4.00 na placoŭcy kala Minskaha ladovaha pałaca sportu (vuł. Prytyckaha, 27), kala rynku «Zachodni» (vuł. Burdejnaha, 6), kala HC «Maksimus» (vuł. Łabanka, 94), na placoŭcy pa vulicy Matusieviča, 59a, na placoŭcy kala mahazina «Kupałaŭski» (uł. Łyńkova, 57), kala Minskaha rajonnaha centra kultury (vuł. Vyšaleskaha, 4) i ŭ mikrarajonie Kamiennaja Horka (vuł. Niomanskaja, 22).

U Centralnym rajonie hulańni projduć z 1.00 da 4.00 na placoŭcy kala Pałaca sportu i kala Minskaha dziaržaŭnaha pałaca dziaciej i moładzi (Staravilenski trakt, 41).

• 0
• 0
• 0
• 0
• 0
• 0
• 0
• 0