V.Viačorka: «Kanhres bieź Milinkieviča — heta ŭžo nie Kanhres abjadnanych demsiłaŭ»
Ale i Milinkievič biez abjadnanych demsiłaŭ — heta ŭžo nie ŭsieahulny lider».
Staršynia Palitrady abjadnanych demakratyčnych siłaŭ Alaksandar Milinkievič zajaviŭ, što nia moža ŭdzielničać u sakavickim Kanhresie demsiłaŭ. Pavodle Milinkieviča, taki Kanhres pryviadzie da raźjadnańnia apazycyi. Jak na heta reahujuć u palityčnych partyjach?
Pra svoj niaŭdzieł u kanhresie Alaksandar Milinkievič zajaviŭ padčas niadaŭniaj sustrečy ź liderami Partyi BNF Vincukom Viačorkam, Abjadnanaj hramadzianskaj partyi Anatolem Labiedźkam i Partyi kamunistaŭ biełaruskaj Sriahiejem Kalakinym. Potym spadar Milinkievič vystupiŭ z zajavaj da demakratyčnaj hramadzkaści Biełarusi.
Anatol Labiedźka patłumačyŭ:
Labiedźka: «Vidavočna, što abjadnanyja demakratyčnyja siły ad hetaha času nia majuć lidera nia tolki de?iure, ale i de?fakta. Vidać, było pryniataje rašeńnie, što Alaksandar Milinkievič viartajecca tudy, adkul jon pryjšoŭ u palityku. Heta značyć, u hramadzki sektar.
Niama palityčnaj voli budavać ahulnuju, šyrokuju kaalicyju, a jość žadańnie zaniacca budaŭnictvam niejkaj novaj hramadzkaj sietki — nakštałt resursavych centraŭ. Heta, vidać, toj asiarodak, jaki najbolš kamfortny i prymalny dla Alaksandra Milinkieviča».
Pavodle spadara Labiedźki, kanhres adbudziecca, adnak nie ŭ abvieščany raniej čas.
Vincuk Viačorka nie ŭchvalaje zajavy Alaksandra Milinkieviča i ličyć jahonuju pazycyju pamyłkovaj:
Viačorka: «Jak i lubyja ŭltymatyŭnyja zajavy, napramuju nie źviazanyja z našaj stratehijaj, z baraćboj za niezaležnaść i svabodu Biełarusi, iduć na škodu. Jany źjaŭlajucca raskolnickimi. Kali my pačniem paasobku raźbiahacca, raźjadnoŭvacca, što ciapier zapačatkoŭvaje Alaksandar Milinkievič, heta značyć, što nas paasobku prosta nia buduć čuć. I taki krok bje i pa kanhresie, i pa palityčnych partyjach, i pa samim Alaksandru Milinkieviču».
Pavodle spadara Viačorki, Partyja BNF prapanoŭvała kampramis, kab zachavać resurs spadara Milinkieviča jak viadomaj postaci j łučnaść abjadnanaj apazycyi. Ciapier vynikaje, što jon admaŭlajecca ad razumnych kampramisaŭ, miarkuje Viačorka.
Viačorka: «My prapanavali pierad kanhresam padpisać novaje pahadnieńnie, u jakim zabiaśpiečvałasia b dla Milinkieviča pazycyja paŭnamocnaha pradstaŭnika abjadnanych demsiłaŭ, hetkaha Chavijera Salany, pravamocnaha vykaźnika rašeńniaŭ palitrady. A vykanaŭča?kaardynacyjnaja funkcyja ažyćciaŭlałasia b tymi mocnymi partyjami, jakija majuć struktury va ŭsich rehijonach, pavodle pryncypu ratacyi».
Partyja BNF maje paŭtaryć svaju kampramisnuju prapanovu Alaksandru Milinkieviču.
Viačorka: «Tamu što my razumiejem, što kanhres bieź Milinkieviča — heta ŭžo nie kanhres abjadnanych demsiłaŭ, ale i Milinkievič biez abjadnanych demsiłaŭ — heta ŭžo nie ŭsieahulny lider».
Dla raźviazańnia kanfliktu miarkujecca sklikać palitradu abjadnanych demsiłaŭ. Taksama damovilisia, što Alaksandar Milinkievič razam sa spadarami Viačorkam, Labiedźkam i Kalakinym pajedzie ŭ rehijony — u nastupnyja vychodnyja planujecca pajezdka ŭ Homiel.
Kamientary