Hłytok pazytyvu ad hałoŭnych rastamanaŭ Miensku
«Pryjaždžaj da mianie, Žak, pryjaždžaj, moj miły», — uprošvaje prezydenta Šyraka hierainia pieśni.
Hłytok pazytyvu ad adnoj z kultavych klubnych kamand Miensku — hałoŭnych rastamanaŭ krainy. «Virusaŭ» daviałosia bačyć jašče na pačatku ichniaj karjery — hod vosiem tamu. Tady ich papularnaść jašče nie vychodziła za miežy adnapakajovaj kvatery na praspekcie Puškina, u jakoj jany repetavali, ale ŭžo tady adčuvałasia, što pojduć jany daloka. Ź ciaham času «Virus Licha» kančatkova vyznačylisia sa svaim stylem, adkinuŭšy ŭ bok bluzy i rok-n-roły, pahastralavali z «Dža Dyvižn» i spryčynilisia da arhanizacyi štohadovaha rehi-festu.
Kolki hod tamu «Virus Licha» źmianili vakalista — la mikrafonu z akardeonam u rukach zaniała miesca dziaŭčyna Tania. U suviazi z hetym i muzyka hurtu jašče bolej pałahodnieła, a teksty nabyli niepaŭtornuju žanočuju ironiju. Takoje moh by napisać Siarhiej Michałok, kali b u jaho zamoviła piesień Žana Ahuzarava. «Pryjaždžaj da mianie, Žak, pryjaždžaj, moj miły», — uprošvaje prezydenta Šyraka hierainia pieśni, jakaja maryć pra čystuju i śvietłuju francuskuju luboŭ.
Rytm i nastroj piesień «Virusaŭ» źmianiajecca imhnienna — lohkaja, na «šansonny» ład pieśnia «Tolko lubov́» z čullivym napievam a-la Dalida źmianiajecca na amal chulihanskuju «Šajse». Skančajecca albom žyćcieśćviardžalnaj «Avu» z refrenam: «Žizń b́jot klučom po hołovie. I eto nravitsia mnie». Dobry albom — jakasna zapisany i z dušoju zrobleny. Dla ŭsich tych, chto stamiŭsia ad piesień pratestu.
Nadrukavana ŭ №5'2007
-
Fatahrafii hetaj słanimčanki vystaŭlajucca pa ŭsim śviecie — praź ich jana raskazvaje i pra dyktaturu ŭ Biełarusi FOTY
-
Voś videazapis fiestyvalu «Vieršy na asfalcie», dzie Niaklajeŭ pračytaŭ svoj vierš «Na imianiny śviatoha Valancina»
-
Aktrysa Kupałaŭskaha pryznałasia, što teatr tak i nie zmoh adyści paśla 2020 hoda
Kamientary