Alena Kavalenka apaviała, što siońnia jaje dapytali pa kryminalnaj spravie muža. Dopyt doŭžyŭsia čatyry hadziny.
«Śledčaha cikaviła, na jakich abjektach pracavaŭ Siarhiej, čamu my žyviem ź jahonaj maci, a nie asobna. Pytalisia i pra tyja incydenty, za jakija zaviali spravu: pra vychad ź bieł-čyrvona-biełym ściaham 24 sakavika, pra spaźnieńnie dachaty, kali my ź im razam byli ŭ prakuratury. Patyŭsia śledčy šmat, a zapisaŭ u pratakoł zusim nia tak, jak ja havaryła. Potym ja zapatrabavała, kab usio było vypraŭlena».
U SIZA Alena Kavalenka znoŭ pytałasia pra stan zdaroŭja muža. Jana kaža, što načalnik medsančastki byŭ niešmatsłoŭny — znoŭ nie paviedamiŭ padrabiaznaściaŭ pra prymusovaje karmleńnie, tolki skazaŭ, što stan źniavolenaha «zdavalniajučy», i što pieravodu ŭ špital jon nie vymahaje.
Adnapartyjcy z KCHP BNF padali ŭ śledčy kamitet zajavu, što prosiać vypuścić Siarhieja Kavalenku pad hrašovy zakład, paviedamiła Alena Kavalenka. Z padobnaj prośbaj niekalki dzion tamu ŭ viciebski śledčy kamitet źviartałasia i jana sama. Adkazu joj jašče nie dali.
Siarhiej Kavalenka znachodzicca ŭ SIZA z 22 śniežnia. Na znak pratestu suprać kryminalnaha abvinavačańnia jon raspačaŭ haładoŭku pratestu, jakuju aficyjna nie spyniŭ, chacia ŭ SIZA jaho pačali karmić praz zond, prymusova.
Aktyvista vinavaciać u parušeńni režymu adbyvańnia «chatniaj chimii» — pakarańnia, prysudžanaha jamu ŭ 2010 hodzie za ŭźniaty na haradzkoj jołcy bieł-čyrvona-bieły ściah.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary