MUS: Na Sańnikava psichałahičnaha i fizičnaha cisku nie było
Kali vieryć MUS, Sańnikaŭ napisaŭ prašeńnie 23 śniežnia, i tolki 23 studzienia jaho pieradali ŭ Administracyju prezidenta.
Na asudžanaha Andreja Sańnikava pry padačy im prezidentu Biełarusi chadajnictva ab pamiłavańni psichałahičnaha i fizičnaha nacisku nie akazvałasia. Ab hetym karespandentu BIEŁTA paviedamili ŭ MUS Biełarusi.
Chadajnictva było padadziena 23 śniežnia 2011 hoda.Jak rastłumačyli ŭ MUS, zhodna z ukazam prezidenta, chadajnictva padajecca ŭ administracyju adpaviednaj pienitencyjarnaj ustanovy, jakaja pavinna pieradać prośbu ab pamiłavańni razam z pakietam inšych dakumientaŭ (kopijaj pryhavoru, charaktarystykaj asudžanaha i h.d.) u Administracyju prezidenta na praciahu miesiaca.
Administracyja vypraŭlenčaj kałonii numar 3 UDVP Viciebskaj vobłaści nakiravała chadajnictva Sańnikava razam z adpaviednymi dakumientami ŭ adździeł pa pytańniach hramadzianstva i pamiłavańnia Administracyi prezidenta Biełarusi 23 studzienia.
Miž tym Iryna Chalip sa spasyłkaj na muža zajaviła, što chadajnictva Sańnikaŭ padpisaŭ jašče 20 listapada, paśla pieryjadu ciažkoha cisku i šantažu 16—20 listapada.Na pres-kanfierencyi 23 śniežnia — dakładna ŭ dzień, da jakoha MUS adnosić chadajnictva Sańnikava — Łukašenka na šmatlikija pytańni nakont losu palitviaźniaŭ adkazvaŭ, što prašeńni ab pamiłavańni jany pisać admaŭlajucca.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1414
Kamientary