Cana prodažaŭ zastajecca praktyčna niaźmiennaj voś užo dva hady.
Siaredniaja cana kvadratnaha mietra ŭ kvaterach standartnych spažyvieckich jakaściaŭ, pradadzienych na druhasnym rynku žyłoj nieruchomaści Mienska ŭ pieršyja tydni 2012 hoda, skłała kala $ 1,2 tys, paviedamiła namieśnik dyrektara pa prodažach na druhasnym rynku žylla hrupy kampanij «Tvaja stalica» Śviatłana Kudziełka.
«Na druhasnym rynku žyłoj nieruchomaści Mienska zachavalisia tendencyi minułaha hoda. Siaredniaja cana kvadratnaha mietra zastajecca niaźmiennaj i składaje kala $ 1,2 tys.
Adnapakajovyja kvatery ŭ pieršyja tydni hoda pradavalisia pa $1240 za kvadratny mietr, dvuchpakajovyja — $1180, a trochpakajovyja — $1113», — adznačyła śpiecyjalist.
Što da koštu chruščovak i šmatpakajovych kvater
«Chruščoŭki siońnia kaštujuć pa $1 tys. za kvadratny mietr, a čatyrochpakajovyja kvatery.70-ch hadoŭ padajuć u canie nižej za $1 tys. za kvadratny mietr», — paviedamiła Śviatłana Kudziełka
Košt kvadratnaha mietra na druhasnym rynku žyłoj nieruchomaści Minska, na dumku pradstaŭnika hrupy kampanij, zastajecca niaźmiennym, tak jak siońnia zachoŭvajecca bałans pamiž prapanovami i popytam. «Na hety momant niama ni pavyšanaha popytu, jaki moh by pravakavać rost koštaŭ, ni zališnich prapanoŭ, kali prychodzicca źnižać košt. Situacyja stabilnaja, i my prahnazujem, što ŭ bližejšy čas jana takoj i zastaniecca», — ličyć ekśpiert.
Taksama Śviatłana Kudziełka raspaviała, što na druhasnym rynku žyłoj nieruchomaści biełaruskaj stalicy nazirajecca častkovy pierachod pakupnikoŭ na rynak novabudoŭlaŭ u pryharadzie.
Na jaje dumku, heta tłumačycca tym, što siońnia za tyja hrošy, za jakija možna kupić kvateru na druhasnym rynku Minska, možna kupić novuju kvateru ŭ pryharadzie ŭ dziesiaci chvilinach jazdy ad stalicy.«U bližejšy pryharad paciahnulisia tyja ludzi, chto ŭ pryjarytet stavić kuplu novaha žylla», — adznačyła namieśnik dyrektara pa prodažach na druhasnym rynku žylla hrupy kampanij «Tvaja stalica».
Raźviedka ZŠA: Biełaruś stała pieradavym vajskovym płacdarmam Rasii24
Kamientary