Pravaabarončaja arhanizacyja ŭ Stahkolmie Östgruppen zapuściła infarmacyjny anłajn-prajekt «U fokusie — Biełaruś».
Meta sajta Fokusvitryssland.se — raspaŭsiud siarod šviedskaj aŭdytoryi infarmacyi pra situacyju z pravami čałavieka ŭ Biełarusi.
Jak paviedamiŭ «Svabodzie» kiraŭnik Östgruppen Marcin Uhła, «padziei ŭ Biełarusi časta akazvajucca ŭ cieni inšych mižnarodnych navinaŭ u šviedskaj miedyjaprastory. Prajekt „U fokusie — Biełaruś“ dapamoža adkryć dostup da naŭprostaha infarmacyjnaha kanału, i takim čynam žychary Šviecyi zmohuć daviedacca, što adbyvajecca ŭ hetaj krainie». U jakaści krynicaŭ infarmacyi buduć vykarystanyja naviny ź niezaležnych biełaruskich vydańniaŭ, a taksama paviedamleńni jeŭrapiejskich ahienctvaŭ.
Krychu raniej Marcin Uhła stvaryŭ u internecie błoh, u jakim kamientuje aktualnyja pytańni palityki i hramadskaha žyćcia Biełarusi.
-
Da kanca hoda ŭ sieryjnuju vytvorčaść źbirajucca zapuścić biełaruski aŭtamat
-
Biznesmien Zajcaŭ bolš nie choča asacyjavacca ź fiestyvalem «Soncastajańnie»
-
«Chočaš, kab u ciabie nohi admovili, jak u Ihnatoviča?» Łosik raskazaŭ, jak pierasiakaŭsia ŭ turmie z asudžanymi za zabojstva Dźmitryja Zavadskaha
Kamientary