Niamcoŭ: Jelcyn, kali b žyŭ, byŭ by na maskoŭskich akciach pratestu
Były pieršy vice-premjer Rasiei Barys Niamcoŭ paraŭnoŭvaje Barysa Jelcyna i Uładzimira Pucina.
U interviju rasiejskaj słužbie radyjo «Svaboda» Barys Niamcoŭ pryhadaŭ pieršaha prezidenta Rasiei Barysa Jelcyna, jakomu 1 lutaha spoŭniŭsia b 81 hod.
Pryhadvajučy pratesty ŭ Maskvie suprać falsifikacyi vybaraŭ, Niamcoŭ skazaŭ: «Jelcyn, upeŭnieny, padtrymaŭ by pratestoŭcaŭ. Jon byŭ vielmi razdražniony tym, što pry Pucinu stali zhortvacca svaboda słova, źniščacca instytut vybaraŭ. Tak, jon pra heta publična nie kazaŭ, ale, sustrakajučysia sa mnoj, jon mnie heta kazaŭ nieadnarazova. Jon by byŭ na Bałotnaj, ja dumaju. Jon by byŭ na Sacharava. Moža być, niahledziačy na viek, pryjšoŭ by navat na marš, jaki budzie 4 lutaha.
… Barys Jelcyn — zasnavalnik novaj Rasiei. Pry Jelcynu ŭ krainie była svaboda słova i byli vybary, była kankurencyja.
Viadoma, sistema była z zahanami. Ale zamiest taho, kab ź imi zmahacca i pryvodzić usio ŭ naležny vyhlad, ruchacca napierad — zamiest hetaha ŭsio zharnuli, stvaryli niasmačny, smurodny „savok“, zamiašany na cyniźmie, karupcyi i kradziažy, i chočuć viečna kiravać.
Jelcyna paprakajuć va ŭsich hrachach, a jon byŭ prezidentam usiaho 8 hadoŭ. Pucin kiruje ŭžo 12 i choča jašče 12. Jon na samym viersie ŭłady ŭ paŭtara raza daŭžej, čym Jelcyn, a kivaje na toje, što było ŭ
Zdaryŭsia pry Pucinu poŭny razvarot, poŭnaje admaŭleńnie tych demakratyčnych zavajoŭ, jakija byli ŭ80-ja — u pačatku90-ch . I ŭ asnovie hetaj łacinaamierykanskaj ubludačnaj madeli zładziejskaha pryjacielskaha kapitalizmu toje, što meta Pucina — heta ŭzbahačeńnie siabie kachanaha i svaich siabroŭ».
Čytajcie taksama: U Estonii źbirajucca pastavić pomnik Jelcynu
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary