«Załatuju sotniu» ŭznačaliŭ mulcik «
100 prafiesijnych režysioraŭ, mastakoŭ i krytykaŭ ŭ halinie animacyi skłali svoj rejtynh sotni najlepšych filmaŭ. Animacyjny film «Žyŭ-byŭ sabaka» Eduarda Nazarava ŭznačaliŭ «Załatuju sotniu» rasijskich multfilmaŭ, stvoranych za 100 hadoŭ.
Šedeŭry rasijskaj animacyi prafiesijanały ŭ hetaj śfiery vybrali sumiesnymi namahańniami.
Kožnamu ekśpiertu było prapanavana skłaści svoj rejtynh, i najbolš časta zhadvany film uznačaliŭ śpis. Im apynuŭsia «Žyŭ-byŭ sabaka» Eduarda Nazarava.
«U kožnaha pakaleńnia svoj vybar», — skazaŭ Eduard Nazaraŭ, aŭtar najlepšaha filma stahodździa. Jaho zdymali pa matyvach ukrainskaj narodnaj kazki. Frazy z hetaj animacyjnaj stužki stali kryłatymi, naprykład, «Zaraz śpiaju!». A
dla muzyčnaha afarmleńnia multyka vykarystoŭvalisia ŭkrainskija narodnyja pieśni «Oj tam na hori» i «Kosiv baťko, kosiv ja» ŭ vykanańni falkłornaha ansambla ź vioski Kračkovka Pałtaŭskaj vobłaści.
Druhoje miesca dastałasia «Vožyku ŭ tumanie» Juryja Narštejna, nazvanamu ŭ 2003 hodzie najlepšym filmam usich časoŭ i narodaŭ, a treciaje — «Vini Puchu» Fiodara Chitruka.
Adznačym, što ŭ pieršych radkach rejtynhu pa try pracy Chitruka i Narštejna.
Zamykajuć dziasiatku «Mały i Karłsan» Barysa Ściapancava i «Karova» oskaraŭskaha łaŭreata Alaksandra Piatrova.U śpis taksama patrapili samyja viadomyja filmy metraŭ rasijskaj animacyi: «Punsovaja kvietačka» Lva Atamanava, «Padaŭ letašni śnieh» Alaksandra Tatarskaha, «Umka» Uładzimira Papova.
U rejtynhu sabranyja karciny roznych žanraŭ: i tak zvanaja aŭtarskaja, surjoznaja animacyja, i filmy dla dziaciej.
Kamientary