Biełaruski bok raźličvaje, što pry pryniaćci rašeńnia ab uviadzieńni ekanamičnych sankcyj u dačynieńni da Biełarusi Jeŭrasajuz uličyć intaresy biźniesu. Pra heta zajaviŭ namieśnik ministra zamiežnych spraŭ Alaksandr Hurjanaŭ napres-kanfierencyi ŭ Minsku 13 sakavika.
«U sučasnym źniešnim handli instrumient ekanamičnych sankcyj i abmiežavańniaŭ nie źjaŭlajecca prymalnym i praduktyŭnym. My raźličvajem, što pry prymańni rašeńnia ab uviadzieńni ekanamičnych sankcyj ES budzie ŭličvać intaresy biźniesu», — skazaŭ namieśnik ministra.
Biełaruś, padkreśliŭ jon, sa škadavańniem usprymie sankcyi ekanamičnaha charaktaru z boku Jeŭrasajuza. «Asabliva ŭličvajučy, što ES sam paciarpieŭ ad ekanamičnych prablem», — dadaŭ Hurjanaŭ. Pavodle jaho słoŭ, u vypadku ŭviadzieńnia sankcyj paniasie straty ŭ tym liku biźnies krain jeŭrazony.
Namieśnik ministra nahadaŭ, što pamiž Biełaruśsiu i ES naładžany ciesnyja i praduktyŭnyja handlovyja adnosiny. U 2011 hodzie tavaraabarot skłaŭ 25 młrd. dołaraŭ ź pieravažnaj dolaj biełaruskaha ekspartu. Salda dla Biełarusi ŭ handli ź ES skłałasia stanoŭčaje ŭ 7,5 młrd. dołaraŭ, dola Jeŭrasajuza ŭ biełaruskim eksparcie ŭ paraŭnańni z 2010 hodam pavialičyłasia z 30 da 39%.
Stanoŭčaja dynamika, pavodle słoŭ Hurjanava, adznačałasia ŭ 2011 hodzie i ŭ śfiery impartu jeŭrapiejskich tavaraŭ u Biełaruś.
Aprača taho, padkreśliŭ pradstaŭnik MZS, u pieryjad kryzisu 2009–2010 hadoŭ Biełaruś nie spyniła svaich handlovych adnosinaŭ ź ES. Jeŭrapiejskija pradpryjemstvy, «pa sutnaści, vyžyvali dziakujučy kantaktam ź Biełaruśsiu», śćviardžaje Hurjanaŭ.
Ciapier čytajuć
Maryna Adamovič apublikavała novyja FOTY Mikoły Statkieviča2
Kamientary