Vampirycha-dy sydentka (Kiejt Bekinsejł) u kampanii z paluboŭnikam-vaŭkałakam zmahajecca z psychapatam-vampiram i razhadvaje staražytnyja tajamnicy. Hledačy razhublenyja ad niaŭciamnaha siužetu. Ale film — nie historyja, a hulnia z fetyšami.
Inšy śviet 2: Evalucyja (Underworld: Evolution).
ZŠA, 2006, kalarovy, 106 chv.
Žanr: vampiryčny bajavik.
Adznaka: 4,5 (z 10).
Vampirycha-dy sydentka (Kiejt Bekinsejł) u kampanii z paluboŭnikam-vaŭkałakam zmahajecca z psychapatam-vampiram i razhadvaje staražytnyja tajamnicy. Hledačy razhublenyja ad niaŭciamnaha siužetu. Ale film — nie historyja, a hulnia z fetyšami.
Arystakratyčnaja atmasfera, ultrafijaletavaje śviatło, čornaja kroŭ, aŭtamaty z antyvampirskimi kulami ŭskładniajucca ŭ druhoj častcy «Inšaha śvietu» hielikopterami, karablami, staražytnym pałacam i padvodnym płavańniem. Vaŭkałak Majkł paŭtaraje podźvihi Kinh Konha, a hierainia Selina adtočvaje karatysckija navyki.
Ale hałoŭnaja fiška druhoje častki — stała bolej seksu. Vampir-historyk ładzić orhii ŭ klaštary, aholenyja blandynki j brunetki ź ikłami demanstrujuć schudniełyja formy; ale hałoŭnaje, Len Ŭajzman u paluboŭnaj scenie raspranuŭ Kiejt Bekinsejł.
Vampirskaja lalka ŭžo nie baicca śviatła, ale heta nia značyć, što hieroi «Inšaha śvietu» stanuć kaliści ludźmi. Źlakanaja bileterka skardziłasia, što ŭ filmie zašmat kryvi. Ale ŭ hlamurnaj karcinie niama ni kropli žyvoj kryvi.
Kamientary