Ukrainie ŭ vypadku ŭvachodžańnia ŭ Mytny sajuz nieabchodna mianiać Kanstytucyju, i dla ŭniasieńnia papravak u Asnoŭny zakon moža spatrebicca ŭsieŭkrainski refierendum. Pra heta zajaviŭ 21 sakavika ŭkrainski prezident Viktar Janukovič.
Maskva zaprašaje Kijeŭ u Mytny sajuz i Jeŭrazijski sajuz, abiacajučy paśla ŭvachodžańnia ŭnutryrasijskija ceny na enierhanośbity. Adnak Kijeŭ pakul prapanoŭvaje supracoŭnictva z MS u farmacie «3 + 1».
«Kali nam uvachodzić u Mytny sajuz, my pavinny źmianić Kanstytucyju zakonnym sposabam.
Kali nie ŭ parłamiencie, to treba pravodzić usieŭkrainski refierendum, na refierendumie narod pavinien vyznačycca: uvachodzić ci nie ŭvachodzić»,— skazaŭ Janukovič padčas sustrečy z pradstaŭnikami carkvy i relihijnych arhanizacyj.
Jon dadaŭ, što Ukraina pa Kanstytucyi na siońniašni dzień nie maje prava ŭvachodzić u abjadnańni, jakija majuć nadździaržaŭnyja rehulatary.
Raniej Janukovič zajaŭlaŭ, što mahčymaść uvachodžańnia Kijeva ŭ MS Rasii, Kazachstana i Biełarusi budzie zaležać ad vynikaŭ pracy hetaha sajuza.
Ukraina źjaŭlajecca naziralnikam u JeŭrAzES. Prezident RF Dźmitryj Miadźviedzieŭ 19 sakavika zajaviŭ, što dziaržavy — naziralniki ŭ JeŭrAzES atrymajuć pryvilei ŭ vypadku dałučeńnia da Mytnaha sajuza, u advarotnym vypadku ŭ ich mohuć uźniknuć peŭnyja składanaści.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary